കുഞ്ഞു കിനാവ്

മുറിവേറ്റ മനസ്സുകള്‍

2009-10-12T10:20:00.002Z

ഉറങ്ങിക്കിടന്ന മനസ്സിനെ
ചന്നം പിന്നം പെയ്തു വന്ന
ഓര്‍മ്മകളാണ്
വിളിച്ചുണര്‍ത്തിയത്.
മനസ്സിനു മുറിവേറ്റ
അഞ്ചുപേരെ
ഞാനന്നേരം കണ്ടു.
മനോസഞ്ചാരത്തിനിടെ
എന്തോ അപകടം
പിണഞ്ഞു പോലും!
മനസ്സിനു മരണമില്ലത്രേ..
അതിനാലാവാം
മുറിവോടെ രക്ഷപെട്ടത്!

ഏതു കിളി..?

2009-03-12T08:19:00.004Z

മനസ്സിനിഷ്ടം ഏതു കിളി..?
മഞ്ഞയുള്ളൊരു മഞ്ഞക്കിളി.
ചുണ്ടില്‍ ചോപ്പുള്ളതേതു കിളി..?
പച്ചയുള്ളൊരു പച്ചക്കിളി.
തന്ത്രം മെനയുന്നതേതു കിളി..?
കാക്ക നിറമുള്ള കാക്കക്കുയില്‍.
രാഗമോതുന്നതേതു കിളി..?
മന്ത്രം മൂളുന്ന മൈനക്കിളി.

അമ്മൂമ്മ (8)

2009-02-10T21:19:00.009Z

കഥ ഇതുവരെ.
ഇന്‍ഫന്റ് ജീസസ് അനാഥാലയത്തില്‍ നിന്നും കുട്ടികളുമായി ഒരു വിനോദയാത്ര പുറപ്പെടുന്നു.ബസ്സ് കേരളത്തിന്റെ അതിര്‍ത്തിയിലെവിടെയോ എത്തുമ്പോള്‍ കാറ്റും മഴയും മിന്നലും വന്ന്അന്തരീക്ഷം കലുഷിതമാകുന്നു.
ഇമ്മാനുവേല്‍ എന്ന പത്തു വയസ്സുകാരന്‍ കുട്ടി, മിന്നുന്ന ഒരു പട്ടം പോലെയുള്ള വസ്തുവില്‍തന്റെ ശ്രദ്ധയെ കേന്ദീകരിക്കുന്നു.
വിനോദയാത്രാ സംഘം ഭക്ഷണം കഴിക്കുവാനായി ഒരു ഹോട്ടലില്‍ ഇറങ്ങുമ്പോള്‍, ഇമ്മാനുവേല്‍പട്ടത്തിനെയും പിന്തുടര്‍ന്ന് പോകുന്നു.
അവന്‍, തന്റെ പുതപ്പിനടിയില്‍ ഉണ്ടാകാമെന്നു കരുതി, ബസ്സ് അതിന്റെ യാത്ര തുടരുന്നു.
ഇമ്മാനുവേല്‍ പട്ടത്തെയും പിന്തുടര്‍ന്ന് ഒരു പുരാതന നഗരത്തില്‍ എത്തിച്ചേരുന്നു.
ആ നഗരസിരാകേന്ദ്രത്തില്‍ കാലത്തെയും അതിജീവിച്ച് നില്‍ക്കുന്ന ഒരമ്മൂമ്മയുടെ പ്രതിമയില്‍ പട്ടം ഉടക്കി നില്‍ക്കുന്നു.അതെടുക്കുവാനായി ഇമ്മാനുവെല്‍ ആ പ്രതിമയില്‍ കയറുന്നു.
പ്രതിമയുടെ മുഖത്തില്‍ പറ്റിയിരുന്ന പട്ടം എടുക്കുന്നതിനുതൊട്ടു മുമ്പേ അവന്‍ അമ്മൂമ്മയുടെ മടിയിലേക്ക് കാല്‍ വഴുതി വീഴുന്നു!
ഇമ്മാനുവെല്‍ ഒരു മയക്കത്തിലാണ്ടുപോകുന്നു.
അമ്മൂമ്മക്ക് ജീവന്‍ കൈവരുന്നു.
പഴയ ജന്മത്തില്‍ ഇമ്മാനുവേലൊരു രാജകുമാരനായിരുന്നുവെന്ന സത്യം അമ്മൂമ്മ അവനോട് പറയുന്നു.
അവന്റെ അനുജത്തിയെ ദേവഗണങ്ങള്‍ അവരെ ജീവനോടു കണ്ടുവെന്നതിന്റെ പേരില്‍ ഒരു ശിലാപ്രതിമയാക്കിയെന്നും അറിയിക്കുന്നു.
അനുജത്തിയെ തിരികെക്കിട്ടുവായി ആ പ്രതിമയെ അവന്‍ സ്പര്‍ശിക്കണം. അതായിരുന്നു ദേവന്മാര്‍ അവനന്നു നല്‍കിയ വരം!
ഇതെല്ലാം കേട്ട് അത്ഭുത പരതന്ത്രനായ ഇമ്മാനുവെല്‍ അമ്മൂമ്മയെ വീണ്ടും നോക്കുമ്പോഴേക്കും അവര്‍ വീണ്ടും ആ പഴയ പ്രതിമയായി മാറിക്കഴിഞ്ഞിരുന്നു!
ഇമ്മാനുവല്‍ രാവിലെ അമ്മൂമ്മയുടെ മടിയില്‍ ഉറക്കമുണരുന്നു.
അവിടെനിന്നും എഴുന്നേറ്റ് അവന്‍ പഴയ നഗരത്തിലൂടെ നടക്കുന്നു.
ചെരുപ്പുകുത്തിയുമാ‍യി അവന്‍ സംസാരിക്കുന്നു.
അയാളവനെ തന്റെ വീട്ടിനുള്ളിലേക്കു ക്ഷണിക്കുന്നു.
അമ്മൂമ്മ പഴയ നഗരത്തെ തന്റെ കണ്ണുനീരുകൊണ്ടു ശത്രുസൈന്യത്തില്‍ നിന്നും രക്ഷിച്ചെന്നും അവരുടെ പ്രതിമ ദേവലോകത്തുള്ള ശില്പികളാണ് നിര്‍മ്മിച്ചതെന്നുമുള്ള സത്യം ചെരുപ്പുകുത്തി ഇമ്മാനുവേലിനെ അറിയിക്കുന്നു.
മുണ്ടനെന്ന കുട്ടിയെ ഇമ്മാനുവേല്‍ പരിചയപ്പെടുന്നു.
അവന്‍ ചെരുപ്പുകുത്തിയുടെ വീട്ടില്‍ കഴിയുന്നുവെന്ന കാര്യം ഇമ്മാനുവേലിനോട് പറയുന്നു.
പ്രേതപ്പട്ടിയെ അവനു പേടിയാണെന്നും, എന്നാല്‍ ചെരുപ്പുകുത്തിയെ ഏതു പ്രേതവും പേടിക്കുമെന്നും മുണ്ട്ന്‍ ഇമ്മാനുവേലിനെ അറിയിക്കുന്നു.

ഇനി വായിക്കുക.

ഇറച്ചിക്കട

പകല്‍

ഔട്ട് ഡോര്‍

ഇറച്ചിവെട്ടുകാരന്‍
ഇറച്ചി പൊതിയുന്നവന്‍
ഇമ്മാനുവേല്‍
മുണ്ടന്‍

പഴയ നഗരത്തിന്റെ ഒരു കോണില്‍ സ്ഥിതിചെയ്യുന്ന ഇറച്ചിക്കട. ഇടിഞ്ഞുപൊളിഞ്ഞ ഒരു കെട്ടിടത്തിലാണ് അതു സ്ഥിതിചെയ്യുന്നത്. പൊക്കമുള്ളതും വട്ടത്തിലുള്ളതുമായ ഒരു തടിമുട്ടത്തില്‍ വച്ച് ഇറച്ചി വെട്ടുന്ന ഇറച്ചിവെട്ടുകാരന്‍. തിളങ്ങുന്ന ഭീമാകാ‍രമായ കത്തി ഇറച്ചിക്കഷണങ്ങളില്‍ വീഴുമ്പോള്‍ അയാളുടെ മസിലുകള്‍ തുടിക്കുന്നതു നമുക്ക് കാണാം!
അയാളുടെ താഴെയായി ഒരു സ്റ്റൂളിലിരിക്കുന്ന ഇറച്ചിപൊതിയുന്നയാള്‍. അയാളുടെ മുഖത്ത് ഒരു ഭീതി നമുക്കു കാണാം. ഇറച്ചി വെട്ടുകാരന്റെ ഓരോ വെട്ടിലും ഭീതിയാല്‍ ഞെട്ടുന്ന ഇറച്ചി പൊതിയുന്നവന്‍.

അവരുടെ തലക്കുമുകളില്‍ തൂങ്ങിയാടുന്ന കൂട്ടിലിരുന്ന് അവരെ വീക്ഷിക്കുന്ന തത്തമ്മ.

ദൂരെ, ഒരു മതിലിന്റെ പിറകില്‍ നിന്നും ഇതെല്ലാം കണ്ടുകൊണ്ടിരിക്കുന്ന മുണ്ടനും ഇമ്മാനുവേലും.

ഇമ്മാ‍നുവേല്‍:“മുണ്ടാ...നിനക്കറിയാമോ..ഇതെന്താന്ന്..?”

മുണ്ടന്‍:“ഇതോ..ഇറച്ചിക്കട..”

ഇമ്മാനുവേല്‍:“ഓ..!”

മുണ്ടന്‍:“ആ കാണുന്ന തടിയനാ ഇറച്ചിവെട്ടുകാരന്‍..ക്രൂരനാ..പേടിക്കണം..!”

ഇമ്മാനുവേല്‍:“ആ താഴെയിരിക്കുന്ന ആ പാവം ഏതാ..?”

മുണ്ടന്‍:“അതാ ഇറച്ചി പൊതിയുന്നവന്‍..!”

ഇമ്മാനുവെല്‍:“പാ‍വം..!”

മുണ്ടന്‍:“അതേ..!”

ഇമ്മാനുവേല്‍:“നമുക്കവിടുന്ന് കുറച്ച് ഇറച്ചി വാങ്ങിയാലോ..?”

മുണ്ടന്‍:“അയ്യോ..അവിടുന്നാ‍രും ഇറച്ചി വാങ്ങാറില്ല...!”

ഇമ്മാനുവെല്‍:“അതെയോ..?”

മുണ്ടന്‍:“അതേ..!”

ഇമ്മാനുവേല്‍:“പിന്നെ ആര്‍ക്കുവേണ്ടിയാ അവരാ ഇറച്ചി വെട്ടുന്നത്..?”

മുണ്ടന്‍:“എന്നും രാവിലെമുതല്‍ അവരിതു ചെയ്യാന്‍ തുടങ്ങും!
രാത്രിയായാല്‍പ്പിന്നെ ഇറച്ചിവെട്ടുകാരനെങ്ങോട്ടോ പോകും...! പിന്നെയാ ഇറച്ചി പൊതിയുന്നയാളും തത്തമ്മയും മാത്രമേ അവിടെയുണ്ടാവൂ..!”

ഇമ്മാനുവേല്‍:“അതെയോ..?”

മുണ്ടന്‍:“ആ ഇറച്ചിപൊതിയുന്നവനൊരു പേടിത്തൊണ്ടനാ..എങ്ങിനെ അയാളവിടെ കഴിയുന്നുവോ ആവോ..?”

ഇമ്മാനുവെല്‍:“എനിക്കാണെങ്കില്‍ ഇപ്പോള്‍ത്തന്നെ പേടിയാവുന്നു..!”

മുണ്ടന്‍:“നീയെന്തിനാ പേടിക്കുന്നെ..?”

ഇമ്മാനുവെല്‍:“പിന്നെ പേടിക്കണ്ടെ. ?”

മുണ്ടന്‍:“നമ്മുടെ അപ്പൂപ്പനുള്ളടുത്തോളം കാലം നമുക്കു പേടിക്കണ്ട..!”

ഇമ്മാ‍നുവെല്‍:“എന്റെ പേടി അതല്ല..!”

മുണ്ടന്‍:“പിന്നെന്താ..?”

ഇമ്മാനുവെല്‍:“ഒരിക്കലീ ഇറച്ചിയെല്ലാം തീരുമ്പം ആ ഇറച്ചിവെട്ടുകാരന്‍ ആ തത്തമ്മയെ ഇറച്ചിക്കു വേണ്ടി കൊല്ലുമോ മുണ്ടാ..?”

മുണ്ടന്‍ ഒന്നും മിണ്ടാതെ ആലോചിച്ചുനില്‍ക്കുന്നു. അവന്റെ മുഖത്തും പതിയെ ഒരു ഭീതി പടരുന്നു.

(തുടരും)

അമ്മൂമ്മ(7)

2009-01-05T17:25:00.005Z

കഥയെപ്പറ്റി അറിയുവാന്‍ ദയവായി മുന്‍ഭാഗങ്ങള്‍ വായിക്കുക.

സീന്‍ (7)

ഔട്ട് ഡോര്‍

രാത്രി

ഇമ്മാനുവെല്‍

മുണ്ടന്‍.

മുണ്ടനും ഇമ്മാനുവേലും ചെരുപ്പുകുത്തിയുടെ വീടിനു മുമ്പിലായി കട്ടിലില്‍ കിടക്കുന്നു. അവര്‍ ഒരു കട്ടില്‍ വീടിനു പുറത്ത് പിടിച്ചിട്ട് കിടക്കുകയാണ്. ആകാശം പ്രകാശമാനമായതിനാല്‍ അമ്പിളിയമ്മാവന്‍ അവിടെ നില്‍ക്കുന്നതവര്‍ക്കു കാണാമായിരുന്നു. രണ്ടുപേരും കട്ടിലില്‍ മലര്‍ന്നു കിടക്കുന്നു.

മുണ്ടന്‍:“നീ വന്നെതെനിക്കെന്തുമാത്രം സന്തോഷമായെന്നു നിനക്കറിയാമോ..? ഞാനിവിടെയിക്കാലമേല്ലാം ഒറ്റക്കായിരുന്നു..!”

ഇമ്മാനുവെല്‍:“ഞാനിപ്പം എന്തായാലും നിന്റെയടുത്ത് വന്നില്ലെ..?”

മുണ്ടന്‍:“നീ വരുന്നെന്ന് അമ്മൂമ്മ എന്നോട് പറഞ്ഞിരുന്നു..!”

ഇമ്മാനുവെല്‍:“അമ്മൂമ്മ എന്നോടും പല കാര്യങ്ങളും പറഞ്ഞു..!”

മുണ്ടന്‍:“നീ എവിടൂന്നാ വരുന്നെ..?”

ഇമ്മാനുവെല്‍:“അനാഥാലയത്തീന്ന്..”

മുണ്ടന്‍:“ഞാനും അനാഥനാ..എന്റെ അമ്മയും അപ്പനും തമിഴ്നാട്ടുകാരാണെന്നാ അപ്പൂപ്പന്‍ എന്നോടു പറഞ്ഞത്..ഞാനവരെ ഒരിക്കലും കണ്ടിട്ടില്ല..!”

ഇമ്മാനുവെല്‍:“നീയെങ്ങിനെ ഇവിടെ വന്നു..?”

മുണ്ടന്‍:“അതെനിക്കറിയില്ല..എനിക്കോര്‍മ്മയായ കാലം മുതല്‍ ഞാന്‍ അപ്പൂപ്പന്റെ കൂടെയാ..!”

ഇമ്മാനുവെല്‍:“നിനക്കിവിടെ പേടി തോന്നുന്നുണ്ടോ..?”

മുണ്ടന്‍:“അങ്ങിനെയൊന്നും ഇല്ല..പക്ഷേ..ആ പ്രേതപ്പട്ടിയെ എനിക്കു പേടിയാണ്..!”

ഇമ്മാനുവെല്‍:“പ്രേതപ്പട്ടിയോ..? അതെന്താ..?”

മുണ്ടന്‍:“അതൊരു ഭയാനകമായ പട്ടിയുടെ പ്രേതമാ..! അതിനെ കണ്ടാല്‍ ലോകമാകെ പേടിക്കും!”

ഇമ്മാനുവെല്‍:“അതെങ്ങാനം ഇപ്പോളിങ്ങോട്ട് വരുമോ..?”

മുണ്ടന്‍:“ഇവിടെ അവന്‍ വരില്ല..!”

ഇമ്മാനുവേല്‍:“അതെന്താ‍..?”

മുണ്ടന്‍:“അപ്പൂപ്പനെ അവനു പേടിയാ..!”

ഇമ്മാനുവെല്‍:“ഈ അപ്പൂപ്പന്‍ ആരാ..?”

മുണ്ടന്‍:“അപ്പൂപ്പന്‍ എന്റെ എല്ലാമാ..!”

ഇമ്മാനുവേല്‍:“അന്നേരം അമ്മൂമ്മയോ..?”

മുണ്ടന്‍:“അമ്മൂമ്മ ഒരു പ്രതിമയായി ഇരിക്കുമെങ്കിലും അവര്‍ക്കു ജീവനുണ്ട്..അവരു നമ്മളോട് പലതും പറയും..! അവരു പറയുന്നതില്‍ സത്യമുണ്ട്..കാരണം നീ വരുമെന്നെന്നോടവരു പറഞ്ഞിരുന്നതല്ലേ..?”

ഇമ്മാനുവെല്‍:“അതേ അമ്മൂമ്മ ഒരു സത്യമാണ്..!”

കുട്ടികള്‍ രണ്ടും പതിയെ ഉറങ്ങുന്നു.

(തുടരും)

അമ്മൂമ്മ(6) മുണ്ടന്‍ വരുന്നു!

2009-01-04T11:55:00.015Z

കഥ ഇതുവരെ

ഇന്‍ഫന്റ് ജീസസ് അനാഥാലയത്തില്‍ നിന്നും കുട്ടികളുമായി ഒരു വിനോദയാത്ര പുറപ്പെടുന്നു.ബസ്സ് കേരളത്തിന്റെ അതിര്‍ത്തിയിലെവിടെയോ എത്തുമ്പോള്‍ കാറ്റും മഴയും മിന്നലും വന്ന്അന്തരീക്ഷം കലുഷിതമാകുന്നു.ഇമ്മാനുവേല്‍ എന്ന പത്തു വയസ്സുകാരന്‍ കുട്ടി, മിന്നുന്ന ഒരു പട്ടം പോലെയുള്ള വസ്തുവില്‍തന്റെ ശ്രദ്ധയെ കേന്ദീകരിക്കുന്നു.വിനോദയാത്രാ സംഘം ഭക്ഷണം കഴിക്കുവാനായി ഒരു ഹോട്ടലില്‍ ഇറങ്ങുമ്പോള്‍, ഇമ്മാനുവേല്‍പട്ടത്തിനെയും പിന്തുടര്‍ന്ന് പോകുന്നു.അവന്‍, തന്റെ പുതപ്പിനടിയില്‍ ഉണ്ടാകാമെന്നു കരുതി, ബസ്സ് അതിന്റെ യാത്ര തുടരുന്നു.ഇമ്മാനുവേല്‍ പട്ടത്തെയും പിന്തുടര്‍ന്ന് ഒരു പുരാതന നഗരത്തില്‍ എത്തിച്ചേരുന്നു.ആ നഗരസിരാകേന്ദ്രത്തില്‍ കാലത്തെയും അതിജീവിച്ച് നില്‍ക്കുന്ന ഒരമ്മൂമ്മയുടെ പ്രതിമയില്‍ പട്ടം ഉടക്കി നില്‍ക്ക്കുന്നു.അതെടുക്കുവാനായി ഇമ്മാനുവെല്‍ ആ പ്രതിമയില്‍ കയറുന്നു. പ്രതിമയുടെ മുഖത്തില്‍ പറ്റിയിരുന്ന പട്ടം എടുക്കുന്നതിനുതൊട്ടു മുമ്പേ അവന്‍ അമ്മൂമ്മയുടെ മടിയിലേക്ക് കാല്‍ വഴുതി വീഴുന്നു!

ഇമ്മാനുവെല്‍ ഒരു മയക്കത്തിലാണ്ടുപോകുന്നു. അമ്മൂമ്മക്ക് ജീവന്‍ കൈവരുന്നു. പഴയ ജന്മത്തില്‍ ഇമ്മാനുവേലൊരു രാജകുമാരനായിരുന്നുവെന്ന സത്യം അമ്മൂമ്മ അവനോട് പറയുന്നു. അവന്റെ അനുജത്തിയെ ദേവഗണങ്ങള്‍ അവരെ ജീവനോടു കണ്ടുവെന്നതിന്റെ പേരില്‍ ഒരു ശിലാപ്രതിമയാക്കിയെന്നും അറിയിക്കുന്നു.അനുജത്തിയെ തിരികെക്കിട്ടുവായി ആ പ്രതിമയെ അവന്‍ സ്പര്‍ശിക്കണം. അതായിരുന്നു ദേവന്മാര്‍ അവനന്നു നല്‍കിയ വരം!

ഇതെല്ലാം കേട്ട് അത്ഭുത പരതന്ത്രനായ ഇമ്മാനുവെല്‍ അമ്മൂമ്മയെ വീണ്ടും നോക്കുമ്പോഴേക്കും അവര്‍ വീണ്ടും ആ പഴയ പ്രതിമയായി മാറിക്കഴിഞ്ഞിരുന്നു!

ഇമ്മാനുവല്‍ രാവിലെ അമ്മൂമ്മയുടെ മടിയില്‍ ഉറക്കമുണരുന്നു. അവിടെനിന്നും എഴുന്നേറ്റ് അവന്‍ പഴയ നഗരത്തിലൂടെ നടക്കുന്നു. ചെരുപ്പുകുത്തിയുമാ‍യി അവന്‍ സംസാരിക്കുന്നു. അയാളവനെ തന്റെ വീട്ടിനുള്ളിലേക്കു ക്ഷണിക്കുന്നു.

അമ്മൂമ്മ പഴയ നഗരത്തെ തന്റെ കണ്ണുനീരുകൊണ്ടു ശത്രുസൈന്യത്തില്‍ നിന്നും രക്ഷിച്ചെന്നും അവരുടെ പ്രതിമ ദേവലോകത്തുള്ള ശില്പികളാണ് നിര്‍മ്മിച്ചതെന്നുമുള്ള സത്യം ചെരുപ്പുകുത്തി ഇമ്മാനുവേലിനെ അറിയിക്കുന്നു.

ഇനി തുടര്‍ന്നു വായിക്കുക.

സീന്‍ 6

വൈകുന്നേരം.

ഔട്ട് ഡോര്‍

പഴയ നഗരം

മുണ്ടന്‍

ഇമ്മാനുവെല്‍

ചെരുപ്പുകുത്തി

പഴയ നഗരം. നഗരകവാടം കാണുമാറാകുന്നു. പത്തു വയസ്സു തോന്നിക്കുമെങ്കിലും ഉയരം താരതമ്യേന കുറഞ്ഞ ഒരു കുട്ടി കവാടം കടന്ന് ഉള്ളിലേക്ക് വരുന്നു. ഒരു പഴയ സൈക്കിളിന്റെ ടയര്‍ അവനൊരു കമ്പു കൊണ്ട് അടിച്ചുരുട്ടിക്കൊണ്ടാണു വരുന്നത്! ഇടത്തോട്ടും വലത്തോട്ടും ആ ടയറിനെ അവന്‍ അത്ഭുതകരമായി തിരിക്കുന്നു. അമ്മൂമ്മയുടെ പ്രതിമയുടെ മുമ്പില്‍ അവനെത്തുന്നു. അവന്‍ പ്രതിമയെ വലം വയ്ക്കുന്നു.
അതിനുശേഷം പ്രതിമയുടെ മുന്നില്‍ വന്ന് നില്‍കുന്നു. പ്രതിമയെ അവന്‍ സൂഷ്മമായി നോക്കുന്നു.

കുട്ടി:“അമ്മൂമ്മേ..എന്നെ ഇന്നീം കളിപ്പിക്കുകയാ..അല്ലേ..?..ഞാനൊന്നും കാ‍ര്യമാക്കീട്ടില്ല..കേട്ടോ..! എന്നോടെന്തിനാ ഇങ്ങിനെ ചെയ്യുന്നത്?..ഞാനൊരു പാവമായോണ്ടാണോ..? ഒരു കൂട്ടുകാരനെ തരാമെന്നു പറഞ്ഞപ്പോള്‍ ഞാനങ്ങു വിശ്വസിച്ചു. എത്ര നാളായി ഞാന്‍ കത്തിരിക്കുന്നെന്നറിയാമല്ലോ..!”

അവന്‍ അമ്മൂമ്മയെ വീണ്ടും നോക്കിയിട്ട് തന്റെ യാത്ര തുടരുന്നു.

ടയറുമുരുട്ടി ഓടുന്ന അവന്‍ ചെരുപ്പുകുത്തിയുടെ വീടിനടുത്തുവന്ന് അത്ഭുതത്താല്‍ ഒരു പ്രതിമപോലെ നില്‍ക്കുന്നു!
ചെരുപ്പുകുത്തിയുടെ വീടിനുമുമ്പില്‍ നില്‍ക്കുന്ന ഇമ്മാനുവെല്‍!
ഇമ്മാനുവേലിനെക്കണ്ട കുട്ടി വിശ്വസിക്കാനാവാതെ അവനെ നോക്കുന്നു.
രണ്ടുപേരും പരസ്പരം കാണുന്നു.
ഇമ്മാനുവേലിന്റെ മുഖത്തും അത്ഭുതം.

ഇമ്മാനുവെല്‍::“നീയാരാ..?”

കുട്ടി:“ഞാന്‍ മുരുകന്‍..പക്ഷേ എല്ലാരും എന്നെ മുണ്ടനെന്നാ വിളിക്കുന്നത്..! കുട്ടിയേതാ..? എന്നിവിടെ വന്നു..?”

ഇമ്മാനുവെല്‍:“ഞാന്‍ ഇമ്മാനുവെല്‍...ഇന്നിവിടെ വന്നു എന്നു പറയാം...ഇന്നലെ ഞാന്‍ അമ്മൂമ്മയുടെ അടുത്തായിരുന്നു!”

അതുകേട്ട് മുണ്ടന്‍ ഒരു നിമിഷം ആലോചനയില്‍ മുഴുകുന്നു. അമ്മൂമ്മ പറഞ്ഞിരുന്ന കൂട്ടുകാരന്‍ ഇമ്മാനുവേലാണെന്നവന്‍ കരുതുന്നു.

മുണ്ടന്‍:“അതു ശരി...അമ്മൂമ്മ നിന്നെപ്പറ്റി എന്നോട് പറഞ്ഞിരുന്നു..”

ഇമ്മാനുവെല്‍:“എന്നെപ്പറ്റി നിന്നോട് അമ്മൂമ്മ പറഞ്ഞിരുന്നെന്നോ..?”

മുണ്ടന്‍:“അതേ..സ്വപ്നത്തില്‍ അമ്മൂമ്മ എന്നോട് നീ വരുമെന്ന് പറഞ്ഞിരുന്നു. നീ വരുന്നതും കാത്തിരിക്കുകയായിരുന്നു ഞാന്‍..!”

ഇമ്മാനുവെല്‍:“അതെയോ..?ഞാനാരാണെന്നു നിനക്കറിയാമോ...?”

മുണ്ടന്‍:“അറിയാം..നീ‍ എന്റെ കൂട്ടുകാരന്‍...നിന്നെയും കാത്താണീ നാളുകളൊക്കെയും ഞാന്‍ കഴിച്ചു കൂട്ടിയത്..!”

ഇമ്മാനുവെല്‍ മുണ്ടനെ സ്നേഹത്തോടെ നോക്കുന്നു.

രണ്ടുപേരുടെയും സംഭാഷണം കേട്ടുകൊണ്ടു നില്‍ക്കുന്ന ചെരുപ്പുകുത്തി.

ചെരുപ്പുകുത്തി:“എന്താണു കൂട്ടുകാര്‍ തമ്മില്‍ പറയുന്നത്...!”

ഇമ്മാനുവേല്‍ രണ്ടു പേരെയും മാറി, മാറി നോക്കുന്നു.

ചെരുപ്പുകുത്തി:(ഇമ്മാനുവേലിനോടായി):“ഇവന്‍ മുണ്ടന്‍...ഇവനെന്റെ കൂടെ താമസിക്കുന്നു..ഇവനിത്രയും കാലം നിന്നെയും പ്രതീക്ഷിച്ചിരിക്കുകയായിരുന്നു..!”

മുണ്ടന്‍ ഇമ്മാനുവേലിനെ പ്രതീക്ഷയോടെ നോക്കിനില്‍ക്കുന്നു. ഇമ്മാനുവേലാകട്ടെ ഒന്നും മനസ്സിലാകാത്ത രീതിയില്‍ രണ്ടു പേരെയും നോക്കുന്നു.

(തുടരും)

അമ്മൂമ്മ(5) ചെരുപ്പുകുത്തിയുടെ വീട്.

2009-01-02T14:37:00.012Z

ഇന്‍ഫന്റ് ജീസസ് അനാഥാലയത്തില്‍ നിന്നും കുട്ടികളുമായി ഒരു വിനോദയാത്ര പുറപ്പെടുന്നു.
ബസ്സ് കേരളത്തിന്റെ അതിര്‍ത്തിയിലെവിടെയോ എത്തുമ്പോള്‍ കാറ്റും മഴയും മിന്നലും വന്ന്
അന്തരീക്ഷം കലുഷിതമാകുന്നു.
ഇമ്മാനുവേല്‍ എന്ന പത്തു വയസ്സുകാരന്‍ കുട്ടി, മിന്നുന്ന ഒരു പട്ടം പോലെയുള്ള വസ്തുവില്‍
തന്റെ ശ്രദ്ധയെ കേന്ദീകരിക്കുന്നു.
വിനോദയാത്രാ സംഘം ഭക്ഷണം കഴിക്കുവാനായി ഒരു ഹോട്ടലില്‍ ഇറങ്ങുമ്പോള്‍, ഇമ്മാനുവേല്‍
പട്ടത്തിനെയും പിന്തുടര്‍ന്ന് പോകുന്നു.
അവന്‍, തന്റെ പുതപ്പിനടിയില്‍ ഉണ്ടാകാമെന്നു കരുതി, ബസ്സ് അതിന്റെ യാത്ര തുടരുന്നു.
ഇമ്മാനുവേല്‍ പട്ടത്തെയും പിന്തുടര്‍ന്ന് ഒരു പുരാതന നഗരത്തില്‍ എത്തിച്ചേരുന്നു.
ആ നഗരസിരാകേന്ദ്രത്തില്‍ കാലത്തെയും അതിജീവിച്ച് നില്‍ക്കുന്ന ഒരമ്മൂമ്മയുടെ പ്രതിമയില്‍ പട്ടം ഉടക്കി നില്‍ക്ക്കുന്നു.
അതെടുക്കുവാനായി ഇമ്മാനുവെല്‍ ആ പ്രതിമയില്‍ കയറുന്നു. പ്രതിമയുടെ മുഖത്തില്‍ പറ്റിയിരുന്ന പട്ടം എടുക്കുന്നതിനു
തൊട്ടു മുമ്പേ അവന്‍ അമ്മൂമ്മയുടെ മടിയിലേക്ക് കാല്‍ വഴുതി വീഴുന്നു!

ഇമ്മാനുവെല്‍ ഒരു മയക്കത്തിലാണ്ടുപോകുന്നു. അമ്മൂമ്മക്ക് ജീവന്‍ കൈവരുന്നു. പഴയ ജന്മത്തില്‍ ഇമ്മാനുവേലൊരു രാജകുമാരനായിരുന്നുവെന്ന സത്യം അമ്മൂമ്മ അവനോട് പറയുന്നു. അവന്റെ അനുജത്തിയെ ദേവഗണങ്ങള്‍ അവരെ ജീവനോടു കണ്ടുവെന്നതിന്റെ പേരില്‍ ഒരു ശിലാപ്രതിമയാക്കിയെന്നും അറിയിക്കുന്നു.അനുജത്തിയെ തിരികെക്കിട്ടുവായി ആ പ്രതിമയെ അവന്‍ സ്പര്‍ശിക്കണം. അതായിരുന്നു ദേവന്മാര്‍ അവനന്നു നല്‍കിയ വരം!
ഇതെല്ലാം കേട്ട് അത്ഭുത പരതന്ത്രനായ ഇമ്മാനുവെല്‍ അമ്മൂമ്മയെ വീണ്ടും നോക്കുമ്പോഴേക്കും അവര്‍ വീണ്ടും ആ പഴയ പ്രതിമയായി മാറിക്കഴിഞ്ഞിരുന്നു!
ഇമ്മാനുവല്‍ രാവിലെ അമ്മൂമ്മയുടെ മടിയില്‍ ഉറക്കമുണരുന്നു. അവിടെനിന്നും എഴുന്നേറ്റ് അവന്‍ പഴയ നഗരത്തിലൂടെ നടക്കുന്നു. ചെരുപ്പുകുത്തിയുമാ‍യി അവന്‍ സംസാരിക്കുന്നു. അയാളവനെ തന്റെ വീട്ടിനുള്ളിലേക്കു ക്ഷണിക്കുന്നു.

സീന്‍ 5

ഇന്‍ഡോര്‍
പ്രഭാതം
ചെരുപ്പുകുത്തിയുടെ വീട്.

ഇമ്മാനുവല്‍
ചെരുപ്പുകുത്തി

ചെരുപ്പുകുത്തിയുടെ വീടിനകം. ഒരുപയോഗശൂന്യമായ കെട്ടിടം അയാള്‍ തന്റെ വീടാക്കി മാറ്റിയിരിക്കുന്നു. ഒരു മുറി മാത്രമേയുള്ളു വീടിനുള്ളില്‍. അത്യാവശ്യത്തിനുള്ള ഫര്‍ണിച്ചറുകള്‍ കാണാം. ഒരു തീന്‍ മേശയും നാലു കസേരകളും മുറിയുടെ നടുവില്‍. രണ്ടു കട്ടിലുകള്‍ മുറിയുടെ രണ്ടു വശങ്ങളിലായി. എല്ലാം വളരെ പഴക്കം തോന്നിക്കുന്നവ. മുറിയുടെ മൂലയില്‍ അടുപ്പു കൂട്ടിയിരിക്കുന്നു. കുറെ പഴയ പാത്രങ്ങള്‍ അവിടെയുണ്ട്.

ഇമ്മാനുവേലും ചെരുപ്പുകുത്തിയും തീന്‍ മേശക്ക് ഇരുവശവുമാ‍യി ഇരിക്കുന്നു.

ഇമ്മാനുവേലിന്റെ മുന്നിലായി ഒരു ഞണുങ്ങിയ അലുമിനിയം പാത്രത്തില്‍ ആ‍വി പൊങ്ങുന്ന കഞ്ഞി.
ചെരുപ്പുകുത്തി:“കഞ്ഞി കുടിക്ക്..”

ഇമ്മാനുവേല്‍ ആ‍ര്‍ത്തിയോടെ കഞ്ഞി പാത്രത്തില്‍ നിന്നും നേരിട്ടു തന്നെ കുടിക്കുന്നു. അവന്റെ ആര്‍ത്തി ചെരുപ്പുകുത്തി ഒരു വാത്സല്യത്തോടെ നോക്കിയിരിക്കുന്നു. കഞ്ഞി കുടിച്ചു തീര്‍ന്ന ഇമ്മാനുവേല്‍ ചെരുപ്പു കുത്തിയെ നോക്കുന്നു.

ചെരുപ്പുകുത്തി:“എന്താ നിനക്ക് അറിയേണ്ടത്..?”

ഇമ്മാനുവേല്‍:“എനിക്കെല്ലാം അറിയണം..അപ്പൂപ്പന്‍ ആ‍രാണ്..?”

ചെരുപ്പുകുത്തി:“ഞാനൊരു ചെരുപ്പുകുത്തി..കാലങ്ങളായി അതാണെന്റെ തൊഴില്‍..!”

ഇമ്മാനുവേല്‍:“അപ്പോള്‍ അമ്മൂമ്മ..?”

ചെരുപ്പുകുത്തി:“അമ്മൂമ്മയോ..? അതൊരു പഴയ കഥയാണു കുട്ടീ..ഈ നഗരം നീ കണ്ടുവല്ലോ..? ഇതൊരുകാലത്ത് ഒരു സാമ്രാജ്യത്തിന്റെ ആ‍സ്ഥാനമായിരുന്നു. ഇന്നെല്ലാം നശിച്ചു പോയി..എന്നിരുന്നാലും ഓര്‍മ്മകള്‍ ഒരിക്കലും മരിക്കില്ല!”

ഇമ്മാനുവെല്‍:“എന്താണുണ്ടായത്..?”

ചെരുപ്പുകുത്തി:“ഒരു യുദ്ധം ഇവിടെയുണ്ടായി. ഈ നഗരത്തിനെ ശത്രുക്കള്‍ കീഴ്പ്പെടുത്തി..ഇവിടുത്തെ ഓരോ കുഞ്ഞും ശത്രു സൈന്യത്തിന്റെ വാളിനിരയായി..ആര്‍ക്കും ഈ നഗരത്തിനെ രക്ഷിക്കാന്‍ കഴിയാത്ത ഒരു നില വന്നു..!”

ഇമ്മാനുവേല്‍:“എന്നിട്ട്..?”

ചെരുപ്പുകുത്തി:“എവിടുന്നാണെന്നറിയില്ല...അമ്മൂമ്മ അവിടെയെത്തി. അവരുടെ കണ്ണുകളില്‍ രോഷാഗ്നി ആളിക്കത്തി.. കണ്ണുനീര്‍ അവരില്‍നിന്നും ഒരു ലാവയായി പ്രവഹിച്ചു..ആ ലാവയില്‍ എല്ലാ ശത്രു സൈന്യങ്ങളും കരിഞ്ഞു ചാമ്പലായി..!”

ഇമ്മാനുവെല്‍ അത്ഭുത്തത്തോടെ ആതു കേട്ടിരിക്കുന്നു.

ഇമ്മാനുവേല്‍:“വിശ്വസിക്കാനാവുന്നില്ല..!”

ചെരുപ്പുകുത്തി:“അതേ കുട്ടീ..നീയിന്നു കാണുന്ന ആ പ്രതിമയില്ലേ..? അത് ദേവലോകത്തു നിന്നും വന്ന ശില്പികളാണു നിര്‍മ്മിച്ചത്..! ലോകത്തിലെ ഏതു വസ്തു നശിച്ചാലും അതു നശിക്കില്ല കുട്ടീ..!”

ഇമ്മാനുവെല്‍:“അമ്മൂമ്മയെന്നോടു പറഞ്ഞകാര്യങ്ങള്‍ അപ്പൂപ്പനറിയാമോ..?”

ചെരുപ്പുകുത്തി ചിരിക്കുന്നു.

ചെരുപ്പുകുത്തി:“എല്ലാമെനിക്കറിയാംകുട്ടീ..നിന്നെ ഞങ്ങള്‍ സഹായിക്കാം...അതായത് നീ ആ പ്രതിമയെ കണ്ടെത്തണം..അതീ നഗരത്തിലെവിടെയോ ഉണ്ട്..! നിന്റെ സ്വന്തം അനിയത്തിക്കുട്ടിയാണത്...!”

ഇമ്മാനുവെല്‍:“എനിക്കു പക്ഷേ ഒന്നും ഓര്‍മ്മ വരുന്നില്ലല്ലോ അപ്പൂപ്പാ‍..”

ചെരുപ്പുകുത്തി എഴുന്നേറ്റ് ഇമ്മാനുവേലിനടുത്തേക്കു വരുന്നു. അയാളവനെ തലോടുന്നു. ഇമ്മാനുവേല്‍ സ്നേഹത്തോടെ ചെരുപ്പുകുത്തിയെ നോക്കുന്നു.

ചെരുപ്പുകുത്തി:“നീ ഒന്നു കൊണ്ടും വിഷമിക്കേണ്ട കുട്ടീ..നിനക്കെല്ലാം വഴിയേ മനസ്സിലാകും..”

(തുടരും)

അമ്മൂമ്മ (4) പഴയ നഗരത്തിലൂടെ

2008-12-30T13:07:00.009Z

ഇന്‍ഫന്റ് ജീസസ് അനാഥാലയത്തില്‍ നിന്നും കുട്ടികളുമായി ഒരു വിനോദയാത്ര പുറപ്പെടുന്നു.
ബസ്സ് കേരളത്തിന്റെ അതിര്‍ത്തിയിലെവിടെയോ എത്തുമ്പോള്‍ കാറ്റും മഴയും മിന്നലും വന്ന്
അന്തരീക്ഷം കലുഷിതമാകുന്നു.
ഇമ്മാനുവേല്‍ എന്ന പത്തു വയസ്സുകാരന്‍ കുട്ടി, മിന്നുന്ന ഒരു പട്ടം പോലെയുള്ള വസ്തുവില്‍
തന്റെ ശ്രദ്ധയെ കേന്ദീകരിക്കുന്നു.
വിനോദയാത്രാ സംഘം ഭക്ഷണം കഴിക്കുവാനായി ഒരു ഹോട്ടലില്‍ ഇറങ്ങുമ്പോള്‍, ഇമ്മാനുവേല്‍
പട്ടത്തിനെയും പിന്തുടര്‍ന്ന് പോകുന്നു.
അവന്‍, തന്റെ പുതപ്പിനടിയില്‍ ഉണ്ടാകാമെന്നു കരുതി, ബസ്സ് അതിന്റെ യാത്ര തുടരുന്നു.
ഇമ്മാനുവേല്‍ പട്ടത്തെയും പിന്തുടര്‍ന്ന് ഒരു പുരാതന നഗരത്തില്‍ എത്തിച്ചേരുന്നു.
ആ നഗരസിരാകേന്ദ്രത്തില്‍ കാലത്തെയും അതിജീവിച്ച് നില്‍ക്കുന്ന ഒരമ്മൂമ്മയുടെ പ്രതിമയില്‍ പട്ടം ഉടക്കി നില്‍ക്ക്കുന്നു.
അതെടുക്കുവാനായി ഇമ്മാനുവെല്‍ ആ പ്രതിമയില്‍ കയറുന്നു. പ്രതിമയുടെ മുഖത്തില്‍ പറ്റിയിരുന്ന പട്ടം എടുക്കുന്നതിനു
തൊട്ടു മുമ്പേ അവന്‍ അമ്മൂമ്മയുടെ മടിയിലേക്ക് കാല്‍ വഴുതി വീഴുന്നു!

ഇമ്മാനുവെല്‍ ഒരു മയക്കത്തിലാണ്ടുപോകുന്നു. അമ്മൂമ്മക്ക് ജീവന്‍ കൈവരുന്നു. പഴയ ജന്മത്തില്‍ ഇമ്മാനുവേലൊരു രാജകുമാരനായിരുന്നുവെന്ന സത്യം അമ്മൂമ്മ അവനോട് പറയുന്നു. അവന്റെ അനുജത്തിയെ ദേവഗണങ്ങള്‍ അവരെ ജീവനോടു കണ്ടുവെന്നതിന്റെ പേരില്‍ ഒരു ശിലാപ്രതിമയാക്കിയെന്നും അറിയിക്കുന്നു.അനുജത്തിയെ തിരികെക്കിട്ടുവായി ആ പ്രതിമയെ അവന്‍ സ്പര്‍ശിക്കണം. അതായിരുന്നു ദേവന്മാര്‍ അവനന്നു നല്‍കിയ വരം!
ഇതെല്ലാം കേട്ട് അത്ഭുത പരതന്ത്രനായ ഇമ്മാനുവെല്‍ അമ്മൂമ്മയെ വീണ്ടും നോക്കുമ്പോഴേക്കും അവര്‍ വീണ്ടും ആ പഴയ പ്രതിമയായി മാറിക്കഴിഞ്ഞിരുന്നു!

ഇനി വീണ്ടും വായിക്കുക.

പഴയ നഗരത്തിലൂടെ

സീന്‍ 4

ഔട്ട് ഡോര്‍

പ്രഭാതം.

പഴയ നഗരം.

ഇമ്മാനുവെല്‍,
ചെരുപ്പു കുത്തി

അമ്മൂമ്മയുടെ മടിയില്‍ക്കിടന്ന് ഉറക്കമുണരുന്ന ഇമ്മാനുവെല്‍.
അവന്‍ കണ്ണുതിരുമ്മി വീണ്ടും,വീണ്ടും പ്രതിമയുടെ മുഖത്തേക്കു നോക്കുന്നു.

അമ്മൂമ്മയുടെ മുഖത്തുള്ള സ്ഥായിയായ സ്നേഹ സന്ദേശം മനസ്സിലാക്കിയതിനാലാണോ ആവോ, അവന്‍ ആത്മസംയമനം പ്രാപിക്കുന്നു.
പ്രതിമയുടെ മടിയില്‍ നിന്നും അവന്‍ മെല്ലെ എഴുന്നേല്‍ക്കുന്നു. എന്നിട്ട് ചുറ്റുപാടും കണ്ണോടിക്കുന്നു.
അത്ഭുതവും ഭീതിയും അവനില്‍ ഒരേ സമയത്തില്‍ ആവേശിക്കുന്നു.

അമ്മൂമ്മയുടെ പ്രതിമയ്ക്ക് ഏതാണ്ടൊരു രണ്ടു നിലക്കെട്ടിടത്തിന്റെയത്രയും ഉയരമുണ്ടായിരുന്നു!
അതിന്റെ മുകളില്‍ നിന്നും ചുറ്റുപാടും നോക്കിയ ഇമ്മാനുവേലിന്റെ മുമ്പില്‍ ആ പഴയ നഗരം പതിയെ തെളിഞ്ഞു വരുന്നു.
പ്രതിമ നിന്നിരുന്ന സ്ഥലം നാലുറോഡുകള്‍ ചേര്‍ന്നിരുന്ന ഒരു സ്ഥലത്തായിരുന്നു. പ്രതിമക്കു ചുറ്റും ഒരു കുഞ്ഞു ജലാശയം ഉണ്ടായിരുന്നിരിക്കണം. ജലാശയത്തിനു ചുറ്റും നിലനിന്നിരുന്ന ഒരു വൃത്താകൃതിയിലുള്ള മതിലിന്റെ അവശിഷ്ടങ്ങള്‍ അവിടെ കാണാമായിരുന്നു.

അവിടെ നിന്നും നോക്കിയാല്‍ക്കാണുന്ന നഗരമാകട്ടെ, പൂര്‍ണ്ണമായും ഇടിഞ്ഞു പൊളിഞ്ഞ ഒരു പ്രേത നഗരത്തിന്റെ പ്രതീതിയാണ് തോന്നിപ്പിച്ചത്! ഒരു യുദ്ധം കഴിഞ്ഞാല്‍ എങ്ങിനെയിരിക്കും...അങ്ങിനെ തോന്നി ആ സ്ഥലം.

അവിടവിടെയായി ചില മരങ്ങള്‍ കാലത്തിന്റെ മുന്നില്‍ ചോദ്യഛിഹ്നങ്ങളായി നിന്നിരുന്നു.ഇലകള്‍ കൊഴിഞ്ഞു പോയിരുന്ന ആ വൃക്ഷങ്ങളില്‍ വവ്വാലുകള്‍ ഞാന്നു കിടന്നു!

ഇമ്മാനുവെല്‍ പതിയെ പ്രതിമയില്‍ നിന്നും താഴേക്ക് ഇറങ്ങുന്നു.

താഴെയിറങ്ങി നിന്ന് അവന്‍ പ്രതിമയെ നോക്കുന്നു.

ഭൂമിയില്‍ കണ്ടിട്ടില്ലാത്ത തരത്തിലുള്ള ജീവികളായിരുന്നു പ്രതിമയിരുന്ന പീഠം താങ്ങിയിരുന്നത്. ചുറ്റുപാടുമുള്ള എല്ലാ വസ്തുക്കള്‍ക്കും നാശം സംഭവിച്ചിരുന്നുവെങ്കിലും അമ്മൂമ്മ മാത്രം കാലത്തെ അതിജീവിച്ചു! ഒരത്ഭുത പ്രതിഭാസം പോലെ തോന്നുന്നതായിരുന്നു ആ പ്രതിമ. അതിനുള്ളില്‍ ജീവന്‍ തുടിച്ചു നിന്നു!

അമ്മൂമ്മയെ കുറെയലെനിന്നും ഇമ്മാനുവല്‍ നോക്കിക്കാണുന്നു.

ഇനിയെന്ത് എന്നാലോചിക്കാതെ അവനൊരു വഴിയിലൂടെ നടക്കാന്‍ തുടങ്ങുന്നു.

ആരും താമസിക്കാത്ത തെരുവുകളിലൂടെ അവന്‍ നടക്കുന്നു. നശിച്ചു നമാവശേഷമായ തെരുവുകള്‍!
മനുഷ്യന്മാരവിടെ ജീവിക്കുവാനുള്ള ഒരു സാദ്ധ്യതയും കാണുന്നില്ല.

ഒരു തെരുവിന്റെ മൂലയില്‍ നിന്നും പുകയുയരുന്നത് ഇമ്മാനുവേല്‍ കാണുന്നു.

അവനങ്ങോട്ടേക്ക് ചെല്ലുന്നു.

ഒരു തെരുവിന്റെ മൂലയിലായുള്ള ഒരു നശിച്ച കെട്ടിടം.
അതിന്റെ മുന്നില്‍ ഒരായിരം ചെരുപ്പുകള്‍ കൂട്ടിയിട്ടിരിക്കുന്നു.
ഒരാ‍ള്‍ അതിന്റെ മുന്നിലിരുന്ന് ടയറുകള്‍ കത്തിച്ച് തണുപ്പകറ്റി ഇരിക്കുന്നു.
നരച്ചു നീണ്ട തലമുടി അവനു കാണാം. ഒരു പഴയ കീറിത്തുടങ്ങിയിരുന്ന കമ്പിളി അയാള്‍ പുതച്ചിരുന്നു.

ഇമ്മാനുവേല്‍ ആ രൂപത്തിന്റെ തൊട്ടു പിറകിലെത്തുന്നു.

അയാള്‍:“അപ്പോള്‍ നീ വന്നു അല്ലേ..? മടിക്കേണ്ട..മുന്നിലേക്കു വന്നോളൂ..”

ഇമ്മാനുവേല്‍ അനുസരണയോടെ അയാളുടെ മുന്നിലേക്കു ചെല്ലുന്നു.
അയാളെ അവന്‍ നോക്കിക്കാണുന്നു, അയാളവനെയും. നരച്ച താടിയും മുടിയുമുള്ള ഒരു മുത്തച്ഛന്‍! ഒരു കമ്പിളി ഷാള്‍ അദ്ദേഹം പുതച്ചിരുന്നു.
കണ്ണുകളില്‍ നിന്നും ഒരനിയന്ത്രിതമായ പ്രഭ ചുറ്റുപാടും പ്രവഹിക്കുന്നതുപോലെ തോന്നുമായിരുന്നു!!
പ്രപഞ്ച രഹസ്യങ്ങളെപ്പറ്റിയുള്ള ജ്ഞാനം അദ്ദേഹത്തിനു സ്വന്തമായിരുന്നുവെന്ന് നാമെല്ലാം ചിലപ്പോള്‍ വിചാരിച്ചു പോകാം!

ഇമ്മാനുവെല്‍:“അതെ ഞാന്‍ വന്നു..ഞാന്‍ വന്നുവെന്ന് അപ്പൂപ്പനെങ്ങിനെ മനസ്സിലായി..? അപ്പൂപ്പനാരാണ്..ഞാനെവിടെയാണ്..?”

അപ്പൂപ്പന്‍:“ഞാനാരുമല്ല കുട്ടീ..ഞാനൊരു ചെരുപ്പുകുത്തിയാണ്..നീ കാണുന്നില്ലേ ഈ ചെരുപ്പുകളുടെ കൂനകള്‍..?”

ഇമ്മാനുവെല്‍:“കണ്ടു..എന്നിരുന്നാലും അപ്പൂപ്പനെങ്ങിനെയാണ് ഞാന്‍ വരുന്നതറിഞ്ഞത്..?”

അപ്പൂപ്പന്‍:“നീ വളരെ ബുദ്ധിയുള്ളവനാണു കുട്ടീ..അമ്മൂമ്മ നിന്നോടെല്ലാം പറഞ്ഞിട്ടുണ്ടാവണം..അല്ലേ..?”

ഇമ്മാനുവെല്‍ അപ്പൂപ്പനെ അത്ഭുതത്തോടെ നോക്കുന്നു.

ഇമ്മാനുവെല്‍:“അതെ.. അമ്മൂമ്മ എന്നോട് എല്ലാം പറഞ്ഞു..! അതിനെപ്പറ്റിയെന്തെങ്കിലും അപ്പൂപ്പനറിയാമോ..?”

അപ്പൂപ്പന്‍:“നീയെന്നെ കുഴപ്പത്തിലാക്കുമോ എന്റെ കുട്ടീ..? നീ ചോദിച്ചാല്‍ ഒന്നുമെനിക്ക് ഒളിക്കാന്‍ പറ്റില്ല..നിന്നോട് ഞാന്‍ എല്ലാം പറയാം..അതിരിക്കട്ടെ നിനക്കു വിശക്കുന്നുണ്ടോ..??

ഉണ്ട് എന്ന മട്ടില്‍ ഇമ്മാനുവെല്‍ തലയാട്ടുന്നു.

അപ്പൂപ്പന്‍:“വാ മോനേ..അകത്തേക്കു വാ..”

ചെരുപ്പുകുത്തി ഇമ്മാനുവേലിനെയും കൂട്ടി തന്റെ വീടിനകത്തേക്കു പോകുന്നു.

(തുടരും)

അമ്മൂമ്മ 3

2008-12-29T09:44:00.005Z

കഥ ഇതുവരെ.

ഇന്‍ഫന്റ് ജീസസ് അനാഥാലയത്തില്‍ നിന്നും കുട്ടികളുമായി ഒരു വിനോദയാത്ര പുറപ്പെടുന്നു.
ബസ്സ് കേരളത്തിന്റെ അതിര്‍ത്തിയിലെവിടെയോ എത്തുമ്പോള്‍ കാറ്റും മഴയും മിന്നലും വന്ന്
അന്തരീക്ഷം കലുഷിതമാകുന്നു.
ഇമ്മാനുവേല്‍ എന്ന പത്തു വയസ്സുകാരന്‍ കുട്ടി, മിന്നുന്ന ഒരു പട്ടം പോലെയുള്ള വസ്തുവില്‍
തന്റെ ശ്രദ്ധയെ കേന്ദീകരിക്കുന്നു.
വിനോദയാത്രാ സംഘം ഭക്ഷണം കഴിക്കുവാനായി ഒരു ഹോട്ടലില്‍ ഇറങ്ങുമ്പോള്‍, ഇമ്മാനുവേല്‍
പട്ടത്തിനെയും പിന്തുടര്‍ന്ന് പോകുന്നു.
അവന്‍, തന്റെ പുതപ്പിനടിയില്‍ ഉണ്ടാകാമെന്നു കരുതി, ബസ്സ് അതിന്റെ യാത്ര തുടരുന്നു.
ഇമ്മാനുവേല്‍ പട്ടത്തെയും പിന്തുടര്‍ന്ന് ഒരു പുരാതന നഗരത്തില്‍ എത്തിച്ചേരുന്നു.
ആ നഗരസിരാകേന്ദ്രത്തില്‍ കാലത്തെയും അതിജീവിച്ച് നില്‍ക്കുന്ന ഒരമ്മൂമ്മയുടെ പ്രതിമയില്‍ പട്ടം ഉടക്കി നില്‍ക്ക്കുന്നു.
അതെടുക്കുവാനായി ഇമ്മാനുവെല്‍ ആ പ്രതിമയില്‍ കയറുന്നു. പ്രതിമയുടെ മുഖത്തില്‍ പറ്റിയിരുന്ന പട്ടം എടുക്കുന്നതിനു
തൊട്ടു മുമ്പേ അവന്‍ അമ്മൂമ്മയുടെ മടിയിലേക്ക് കാല്‍ വഴുതി വീഴുന്നു!

ഇനി വായിക്കുക.

സീന്‍ 3

രാത്രി.
മഴ, ഇടിമിന്നല്‍

പഴയ നഗരം.

ഇമ്മാനുവെല്‍, അമ്മൂമ്മ.

അമ്മൂമ്മയുടെ മടിയില്‍ ഒരാലസ്യത്തിലെന്നോളം മയങ്ങിക്കിടക്കുന്ന ഇമ്മാനുവെല്‍.

അമ്മൂമ്മയുടെ മുഖത്തിനു ജീവന്‍ വയ്ക്കുന്നു.
അവരവനെ വാത്സല്യത്തോടെ നോക്കുന്നു.

അമ്മൂമ്മ:“മോനേ..കണ്ണുതുറക്ക്...”

ഇമ്മാനുവെല്‍ കണ്ണുതുറക്കുന്നു.

ഇമ്മാനുവെല്‍:“ഞാനെവിടെയാണ്..?”

അമ്മൂമ്മ:“നീ എന്റെയടുത്താണ്..!”

ഇമ്മാനുവെല്‍:“നിങ്ങളാരാണ്..?”

അമ്മൂമ്മ:“ഞാനോ..? ഹഹഹ..ഞാനാണ് അമ്മൂമ്മ..!”

ഇമ്മാനുവെല്‍ അമ്മൂമ്മയെ അതിശയത്തോടെ നോക്കുന്നു. അവന്റെ ആദ്യമുണ്ടായിരുന്ന ഭയം പതിയെ ആ മുഖത്തു നിന്നും അപ്രത്യക്ഷമാകുന്നു.

ഇമ്മാനുവെല്‍:“ഞാനെങ്ങിനെയിവിടെയെത്തി അമ്മൂമ്മേ..?”

അമ്മൂമ്മ:“അതോ..അതൊരു പഴയ കഥയാണെന്റെ കുട്ടീ..കാലമാണ് നിന്നെയെന്റെയടുത്തെത്തിച്ചത്!”

ഇമ്മാനുവെല്‍:“എനിക്കൊന്നും മനസ്സിലാവുന്നില്ലല്ലോ അമ്മൂമ്മേ..!”

അമ്മൂമ്മ:“അതു നിന്റെ കുറ്റമല്ല കുട്ടീ..നിനക്കെല്ലാം മനസ്സിലാകുവാന്‍ പോകുന്നു!”

ഇമ്മാനുവെല്‍ അമ്മൂമ്മയെ ശ്രദ്ധയോടെ നോക്കുന്നു.

അമ്മൂമ്മ:“നിന്നെയും കാത്ത് ഞാനെത്രകാലം ഇവിടെയിരിക്കുന്നുവെന്ന് നിനക്കറിയാമോ..?”

ഇല്ല എന്ന മട്ടില്‍ ഇമ്മാനുവെല്‍ തലയാട്ടുന്നു.

അമ്മൂമ്മ:“അതേ കുഞ്ഞേ..നിന്നെയും കാത്തായിരുന്നു ഈ അമ്മൂമ്മ ഇവിടെ ഇരുന്നിരുന്നത്..! നിന്നോടൊരു കാര്യം ഞാന്‍ പറയാന്‍ പോകുകയാണ്..നീ അത് ശ്രദ്ധിച്ചു കേള്‍ക്കണം..”

ഇമ്മാനുവെല്‍:“ഞാന്‍ കേള്‍ക്കാം അമ്മൂമ്മേ..”

അമ്മൂമ്മ:“കുട്ടീ..നിനക്കറിയാമോ..നീ കഴിഞ്ഞ ഒരു ജന്മത്തില്‍ ഒരു രാജകുമാരനായിരുന്നു..! നിനക്കൊരനിയത്തി രാജകുമാരിയും ഉണ്ടായിരുന്നു. നിങ്ങള്‍ ഒരിക്കല്‍ നിങ്ങളുടെ പിതാവിനോടൊപ്പം കാട്ടില്‍ നായാട്ടിനു പോയി. അനിയത്തിക്കുട്ടി കാട്ടിലെ ഒരു തടാകത്തില്‍ ദേവന്മാര്‍ നീരാടുന്നത് നേരില്‍ക്കണ്ടു!”

ഇമ്മനുവേല്‍:“അതെയോ..എന്നിട്ട്..?”

അമ്മൂമ്മ:“ദേവന്മാരെ മനുഷ്യഗണങ്ങള്‍ക്ക് കാണാന്‍ പാടില്ല...അതിനി രാജാക്കന്മാരായാലും ശരി..! അവര്‍ കോപിഷ്ടരായി..!
നിന്റെ അനിയത്തിക്കുട്ടിയെ അവരൊരു പ്രതിമയായി മാറ്റി! ഒരു ശിലാ പ്രതിമ..!”

ഇമ്മാനുവെല്‍:“അമ്മൂമ്മേ..വേഗം പറയൂ..എന്നിട്ട്..?”

അമ്മൂമ്മ:“നീ അവരോട് താണുവീണപേക്ഷിച്ചു..കുമാരിയെ തിരികെ കൊണ്ടുവരാനായി..പക്ഷേ..അവരതു കേട്ടില്ല..! അവസാനം അവര്‍ നിനക്കൊരു വരം തന്നു..!”

ഇമ്മാനുവേല്‍:“വരമോ..?”

അമ്മൂമ്മ:“അതെ..ഒരു വരം..നീ എന്നെങ്കിലും ആ പ്രതിമയില്‍ സ്പര്‍ശിക്കണം..അന്നു നിനക്കു നിന്റെ അനിയത്തിയെ തിരിച്ചു കിട്ടും..!”

ഇമ്മാനുവേല്‍:“അതു നടക്കുമോ അമ്മൂമ്മേ..?”

അമ്മൂമ്മ:“എന്തുകൊണ്ടു നടന്നു കൂട...? ഞാനൊരു കാര്യം നിന്നോടു പറയട്ടെ..ആ പ്രതിമ ഈ നഗരത്തിലുണ്ട്..നീ അതു കണ്ടു പിടിക്കയേ വേണ്ടൂ..!”

അമ്മൂമ്മയുടെ മുഖം വീണ്ടും ഒരു പ്രതിമയായി മാറുന്നു.

ഇമ്മാനുവെല്‍ ആ പ്രതിമയെയും നോക്കി അവിടെത്തന്നെ കിടക്കുന്നു.

(തുടരും)

അമ്മൂമ്മ 2

2008-12-28T09:06:00.012Z

കഥ ഇതുവരെ.

ഇന്‍ഫന്റ് ജീസസ് അനാഥാലയത്തില്‍ നിന്നും കുട്ടികളുമായി ഒരു വിനോദയാത്ര പുറപ്പെടുന്നു.
ബസ്സ് കേരളത്തിന്റെ അതിര്‍ത്തിയിലെവിടെയോ എത്തുമ്പോള്‍ കാറ്റും മഴയും മിന്നലും വന്ന്
അന്തരീക്ഷം കലുഷിതമാകുന്നു.
ഇമ്മാനുവേല്‍ എന്ന പത്തു വയസ്സുകാരന്‍ കുട്ടി, മിന്നുന്ന ഒരു പട്ടം പോലെയുള്ള വസ്തുവില്‍
തന്റെ ശ്രദ്ധയെ കേന്ദീകരിക്കുന്നു.
വിനോദയാത്രാ സംഘം ഭക്ഷണം കഴിക്കുവാനായി ഒരു ഹോട്ടലില്‍ ഇറങ്ങുമ്പോള്‍, ഇമ്മാനുവേല്‍
പട്ടത്തിനെയും പിന്തുടര്‍ന്ന് പോകുന്നു.
അവന്‍, തന്റെ പുതപ്പിനടിയില്‍ ഉണ്ടാകാമെന്നു കരുതി, ബസ്സ് അതിന്റെ യാത്ര തുടരുന്നു.

ഇനി വായിക്കുക.

സീന്‍ 2

ഔട്ട് ഡോര്‍

രാത്രി
മഴ, കാറ്റ്, ഇടിമിന്നല്‍.

പട്ടത്തിനെയും പിന്തുടര്‍ന്നു പോകുന്ന ഇമ്മാനുവല്‍.
ഒരു കിട്ടാക്കനി പോലെ പട്ടം പറന്നുപൊയ്കൊണ്ടിരിക്കുന്നു. അവനൊരിക്കലും അതിന്റെയടുത്ത് ചെല്ലുവാനാകുന്നില്ല.
അടുത്തു ചെന്നുവെന്ന് കരുതുമ്പോഴേക്കും അത് വീണ്ടും പറന്നകന്നിരിക്കും!

വിവിധങ്ങളായ ഭൂപ്രദേശങ്ങള്‍ മാറിമറയുന്നു.

പട്ടം ഒരിടിഞ്ഞുപൊളിഞ്ഞ നഗരകവാടത്തില്‍ ഉടക്കിനില്‍ക്കുന്നു. അവിടെ നിന്നും അത് നഗരത്തിന്റെയുള്ളിലേക്ക് പറന്നുപോകുന്നു.
ഇടിഞ്ഞുപൊളിഞ്ഞ പഴയ നഗരത്തിന്റെ മുഖം ഇവിടെ നമുക്കു കാണാന്‍ കഴിയുന്നു. പഴമയുടെ പ്രതാപം വിളിച്ചോതുന്ന കെട്ടിടങ്ങള്‍! പക്ഷേ അവയെല്ലാം കാലത്തിന്റെ സമയപ്രക്രിയയില്‍ ഉടഞ്ഞു തകര്‍ന്നിരുന്നു. ഇവിടെ ഒരുകാലത്ത് സമ്പന്നമായ ഒരു ജനത ഇവിടെ ജീവിച്ചിരുന്നുവെന്ന് നമുക്ക് മനസ്സിലാക്കുവാന്‍ കഴിയും!

പഴയ നഗരത്തിലൂടെ നടക്കുന്ന ഇമ്മാനുവല്‍.

പട്ടം അവനെ പഴയ നഗരത്തിന്റെ വിവിധ വാതായനങ്ങളിലൂടെ കൂട്ടിക്കൊണ്ടു പോകുന്നു.
അവസാനം പട്ടം അവനെ നഗരത്തിന്റെ ഏറ്റവും പ്രധാനമായ ഭാഗത്തില്‍ എത്തിക്കുന്നു.

ഇടവിട്ടു വന്ന മിന്നല്‍പ്പിണരുകളാവാം അവനെ അവിടേക്കാകര്‍ഷിച്ചത്.
അത് ആ പഴയ നഗരത്തിന്റെ സിരാകേന്ദ്രമായിരുന്നെന്നിരിക്കാം..ഒരിക്കല്‍..!
പട്ടം അവനെ അവിടെയെത്തിക്കുന്നു.

നശിച്ചു പോയ ഒരുദ്യാനത്തിന്റെ ശിഷ്ടഭാഗങ്ങള്‍ പോലെ തോന്നിയിരുന്നു ഒരു സ്ഥലം.

അവിടെ ഒരു പ്രതിമയില്‍ അവസാനമായി ആ പട്ടം വിശ്രമിക്കുന്നു.
ഒരമ്മൂമ്മയുടെ പ്രതിമയായിരുന്നു അത്.
കാലപ്പഴക്കത്തിന്റെ അംശരേഖകള്‍ ആ പ്രതിമയെ ആവേശിച്ചിരുന്നില്ല!
കാലത്തിനെ വെല്ലുവിളിച്ചുകൊണ്ട് അതാ നഗരസിരാകേന്ദ്രത്തില്‍ കുടികൊണ്ടു!
മാറിലൊരു വസ്ത്രവും ചൂടി ഒരു വടിയുമൂന്നി ഒരു കസേരയിലായിരുന്നു അമ്മൂമ്മ ഇരുന്നിരുന്നത്!
അവരുടെ മുഖത്ത് കാലചക്രത്തിന്റെ കാലൊളികള്‍ കടന്നു പോയിരുന്നെങ്കിലും, അതിനെയെല്ലാം വെല്ലുവിളിക്ക്കുന്ന ഒരു പുഞ്ചിരി
നമുക്കു കാണാമായിരുന്നു!
പുറം ലോകത്തു നിന്നും വന്നുവെന്നു തോന്നിയേക്കാവുന്ന തരത്തിലുള്ള ജീവികളായിരുന്നു അവരിരുന്ന കസേരയെ താങ്ങി നിറുത്തിയിരുന്നത്!

ഇമ്മാനുവേല്‍ അമ്മൂമ്മയുടെ പ്രതിമയില്‍ തങ്ങി നില്‍ക്കുന്ന പട്ടം കാണുന്നു.
അതെടുക്കുവാനായി അവന്‍ പ്രതിമയിലേക്കു കയറുന്നു.

മഴയും ഇടിയും മിന്നലും തുടരുന്നു.

പട്ടം അമ്മൂമ്മയുടെ മുഖത്തില്‍ പറ്റിയിരിക്കുന്നു.

അമ്മൂമ്മയുടെ മുഖത്തിനടുത്ത് പട്ടമെടുക്കുവാനായി എത്തിച്ചേര്‍ന്ന ഇമ്മാനുവല്‍ കാലുതെറ്റി അമ്മൂമ്മയുടെ മടിയിലേക്ക് വഴുതി വീഴുന്നു!

(വീണ്ടും തുടരും)

അമ്മൂമ്മ-1

2008-12-27T10:43:00.008Z

ആമുഖം

ഇത് കുട്ടികള്‍ക്കു വേണ്ടി പണ്ടെഴുതിയ ഒരു കഥയാണ്.
സ്ക്രിപ്റ്റു രൂപത്തിലാവും ഇക്കഥ പോകുക.
രണ്ടു കുട്ടികളുടെ മനസ്സിലൂടെയാണ് ഈ കഥ സഞ്ചരിക്കുന്നത്.
മുതിന്നവര്‍ക്കും വായിച്ചു നോക്കാം.
കൂടുതല്‍ പറയാന്‍ നില്‍ക്കാതെ കഥ തുടങ്ങട്ടെ!

അമ്മൂമ്മ
സീന്‍- ഒന്ന്

ഔട്ട് ഡോര്‍

സന്ധ്യയോടടുത്ത സമയം.
ഇരുട്ടു വ്യാപിക്കുവാന്‍ തുടങ്ങുന്നു.

രംഗത്ത്.

ഇമ്മാനുവല്‍(പത്തു വസ്സിനോടടുത്ത് പ്രായം)
പള്ളീലച്ചന്മാര്‍(2)
കന്യാസ്ത്രീകള്‍(2)
മറ്റു കുട്ടികള്‍(20)

മലനിരകള്‍ കടന്നു പോകുന്ന ഒരു ടൂറിസ്റ്റ് ബസ്സ്.
ഇന്‍ഫന്റ് ജീസസ് ഓര്‍ഫനേജ് എന്ന് ബസ്സിന്റെ മുമ്പിലായി ഒരു ബാനര്‍ ഉണ്ട്.

ബസ്സിനകം.

അഞ്ചുവയസ്സുമുതല്‍ പന്ത്രണ്ടു വയസ്സുവരെയുള്ള ആണ്‍കുട്ടികളാണ് അതിലുണ്ടായിരുന്നത്.
രണ്ടച്ചന്മാരും രണ്ടു കന്യാസ്ത്രീകളും ബസ്സിലുണ്ട്.
ക്ഷീണം കൊണ്ട് കുട്ടികളെല്ലാം ഏതാണ്ട് മയങ്ങിയ അവസ്ഥയിലാണ്.

ബസ്സ് യാത്ര തുടരുന്നു.

ഒരു മഴ പെയ്യുവാന്‍ തുടങ്ങുന്നു.

ബസ്സിനുള്ളില്‍ ഇരിക്കുന്ന ഇമ്മാനുവല്‍. ബസ്സിന്റെ പിറകിലെ വലതുവശത്തുള്ള മൂലയിലാണ് അവനിരുന്നിരുന്നത്. തണുപ്പായതിനാല്‍, ഒരു കമ്പിളിപ്പുതപ്പ് അവന്‍ പുതച്ചിരുന്നു.

ബസ്സിന്റെ ഗ്ലാസ് സ്ക്രീനിലൂടെ പുറത്തേക്കു നോക്കിയിരിക്കുന്ന ഇമ്മാനുവേല്‍.

ആകാശത്തില്‍ ഒരു തിളങ്ങുന്ന വസ്തു ഇമ്മാനുവേലിന്റെ ശ്രദ്ധയില്‍പ്പെടുന്നു. ഒരു പട്ടം പോലെ തിളങ്ങുന്ന ഒരു സാധനം! ബസ്സിന്റെ ഗതിയെ അതും പിന്തുടരുന്നു! ആദ്യമൊക്കെ അവഗണിക്കുവാന്‍ നോക്കിയെങ്കിലും, ഈ തിളങ്ങുന്ന പട്ടത്തിനെ അവഗണിക്കുവാന്‍ ഇമ്മാനുവേലിനു കഴിയുന്നില്ല.

ആഹാരം കഴിക്കുവാനായി ബസ്സ് നിറുത്തുന്നു. ഏകാന്തമെന്നു തോന്നിയേക്കാവുന്ന ഒരു സ്ഥലം.
ഒരു റെസ്റ്റോറന്റ്.

പള്ളീലച്ചന്‍(1):“എല്ലാവരും വരിവരിയായി ഇറങ്ങുക”

കന്യാസ്ത്രീകളും കുട്ടികളും ഇറങ്ങുന്നു. എല്ലാവരും റെസ്റ്റോറന്റിലേക്ക് പോകുന്നു.

ഇമ്മനുവേല്‍ തന്റെ സീറ്റില്‍ പുതച്ചിരുന്നുറങ്ങി.
അച്ചനവനെ വിളിച്ചുണര്‍ത്തുന്നു.
അവനാകട്ടെ ഉണര്‍ന്നതിനുശേഷം തന്റെ ബാഗ് സീറ്റില്‍ വച്ച് കമ്പിളിവിരിച്ച് അതിനെ മൂടുന്നു.
അവനവിടെ ഉറങ്ങുകയാണെന്നേ അതു കണ്ടാല്‍ തോന്നുമായിരുന്നുള്ളു!

പുറത്തിറങ്ങുന്ന ഇമ്മാനുവേല്‍.

അച്ചന്മാരും മറ്റെല്ലാവരും ഭക്ഷണം കഴിക്കുവാനായി പോയിക്കഴിഞ്ഞിരുന്നു.

ആകാശത്തില്‍ അതാ വീണ്ടും ആ പട്ടം.
മനോഹരമായ ആ വിസ്മയം അവനെ മാടി വിളിച്ചു.
അവനതിനു പിറകേ തന്റെ യാത്ര ആരംഭിക്കുന്നു.

ഭക്ഷണം കഴിച്ചതിനുശേഷം അച്ചന്മാര്‍ കുട്ടികളെ ബസ്സില്‍ ചെക്കു ചെയ്യുന്നു.
ഇമ്മാനുവേല്‍ തന്റെ പുതപ്പിനടിയിലുണ്ടെന്ന് അവര്‍ കരുതുന്നു.

ബസ്സ് അതിന്റെ യാത്ര തുടരുന്നു.

വിഷമ വാര്‍ത്തകള്‍

2008-12-26T14:13:00.003Z

നാട്ടില്‍ ഫോണ്‍ വിളിച്ചപ്പോള്‍ക്കിട്ടിയ വാര്‍ത്തകള്‍ മനസ്സിനു വിഷമമേകുന്നവയായിരുന്നു.
എന്റെ ചെങ്ങാതി രാജുവിന്റെ പന്ത്രണ്ടു വയസ്സുകാരി മകള്‍ അപ്രതീക്ഷിതമായി മരിച്ചു!
ആ കുട്ടിക്ക് ഒരസുഖവും ഉണ്ടായിരുന്നില്ല.
ഇക്കാലത്തും ഇങ്ങിനെയുള്ള മരണങ്ങള്‍ സംഭവിക്കുമോ?
കിഡ്നി തകരാറിലായിരുന്നത്രേ!
കേള്‍ക്കുമ്പോള്‍ വിശ്വസിക്കുവാന്‍ പ്രയാസം!
അവനെ കോണ്ടാക്റ്റു ചെയ്യുവാന്‍ വളരെ പാടുപെട്ടു.
ഒരു ഫോണും അവന്‍ എടുക്കുന്നുണ്ടായിരുന്നില്ല. അതിനുള്ള മാനസ്സികാവസ്ഥ വേണമല്ലോ!
ദൈവം അവന് ശക്തി പകരട്ടെ!

പിന്നെ..ജ്ഞാനശീലന്‍ മരിച്ചു!
അവനെ ഒരു പാമ്പു കടിച്ചു. പാമ്പ് അവന്റെ കൂടെ കിടന്നുറങ്ങി!
ജനം പാമ്പിനെയും തല്ലി മയക്കി ജ്ഞാനശീലനെയും കൊണ്ട് ആശുപത്രിയില്‍ ചെന്നപ്പോഴേക്കും രണ്ടു പേരും മരിച്ചിരുന്നു!
റബ്ബറിനു കള ചെത്തിമിനുക്കി നിന്ന ജ്ഞാനശീലനെ പാമ്പു കടിച്ചത് അവന്‍ അറിഞ്ഞില്ല. കുറെനേരം കഴിഞ്ഞപ്പോള്‍ അവനവിടെക്കിടൊന്നൊന്നു മയങ്ങി. കഞ്ചാവു ലഹരിയായിരിക്കും എന്ന് മറ്റു തൊഴിലാളികള്‍ കരുതി!
കുറ്ക്കഴിഞ്ഞപ്പോളാണ് അവന്റെ മൂക്കിലൂടെ ചോരവരുന്നത് എല്ലാവരുടെയും ശ്രദ്ധയില്‍ പെട്ടത്.
ഒരണലി അവന്റെയടുത്ത് മയങ്ങുന്നത് കണ്ടപ്പോളാണ് ജനത്തിന് സംഭവത്തിന്റെ ഗൌരവം മനസ്സിലായത്!
അണലിയെ അടിച്ചു മയക്കി ജ്ഞാനശീലനുമായി ജനം അടുത്തുള്ള ആശുപത്രിയിലെത്തിയെങ്കിലും ഒരു പ്രയോജനവും ഉണ്ടായില്ല.
അവന്‍ മരിച്ചുപോയിരുന്നു.

ഒരു ക്രിസ്തുമസ്സ് കൂടി.

2008-12-25T12:20:00.003Z

ഇന്ന് ക്രിസ്തുമസ്സ് ദിവസം.
എല്ലാവരും ഈ ദിവസത്തിനു വേണ്ടിയായിരുന്നു.. കാത്തു കാത്തിരുന്നത്!
ഇവിടുത്തെ തെരുവുകളെല്ലാം ശൂന്യമാണിപ്പോള്‍..!
ഒരു കട പോലും തുറന്നിട്ടില്ല.
അവരവരുടെ വീടുകളില്‍ എല്ലാവര്‍ക്കും ക്രിസ്തുമസ്സ്!

ജനം ടിവിയിലെ പ്രോഗ്രാമുകള്ളില്‍ അഭയം പ്രാപിച്ചിരിക്കുന്നു.
അടച്ചിട്ടിരിക്കുന്ന ഈ വീടുകളുടെയുള്ളില്‍ എന്താണാവോ നടക്കുക?

എല്ലാവരും ക്രിസ്തുമസ്സ് ആഘോഷിക്കുകയാവും..അല്ലേ?

കേരളത്തില്‍ ആയിരുന്നെങ്കില്‍..!
ആരെയെല്ലാം കാണാമായിരുന്നു!
അവിടുത്തെ ആഘോഷങ്ങളിന്നും എന്റെ ഓര്‍മ്മയില്‍ നിലനില്‍ക്കുന്നു.

എന്റെ അനിയന്‍, അല്പം മുമ്പേ ഫോണില്‍ അവിടുത്തെ ഈ വര്‍ഷത്തെ പ്രോഗ്രാമുകളെപ്പറ്റി അറിയിച്ചു..
ഞാനെന്തു പറയുവാന്‍?
എല്ലാം കേട്ടു നെടുവീര്‍പ്പിടാം!

കാലം കഴിയുന്നു!
ക്രിസ്തുമസ്സുകള്‍ കൊഴിയുന്നു!
ആശംസകള്‍ നേരുന്നു..
എല്ലാ നല്ല മനസ്സിനും!

ജന്മദിനം

2008-10-05T17:46:00.000Z

മുഖം നഷ്ടമായവരുടെ
പിറന്നാളുകളില്‍
മനസ്സു മരിച്ചവര്‍
കേക്കുകള്‍ മുറിച്ചു!

വാക്കുകള്‍ ഇല്ലാതായ
അതേ നിമിഷങ്ങളില്‍
അഭിപ്രായങ്ങളുടെ
ചിതകളും കെട്ടടങ്ങി!

കവികള്‍ ജനിക്കുന്നതിനും മുമ്പ്

2008-09-07T20:50:00.005Z

കവികള്‍ ജനിക്കുന്നതിനും മുമ്പ്
കാവ്യങ്ങളിവിടെ നിലനിന്നിരുന്നു..!
കര്‍മ്മം കാവ്യാത്മകമാവുന്നതിനും
മുമ്പായി ജീവാത്ത്മാവുകള്‍
ഈ ഭൂമിയില്‍ വിന്യസിച്ചിരുന്നു.!
കള്ളം പറയുന്നവനുണ്ടെല്ലായിടത്തും..
അതില്‍ കവിയും പെടും
മന്ത്രം ജപിക്കുന്ന തന്ത്രിയും പെടും
നടനും പെടും നരനും പെടും..!
നാരദ്യം മറന്നുപോയ
നാരദനും പെടും..!

കേരളം വളരുന്നു..!

2008-08-26T20:52:00.005Z

ലിവര്‍പൂളില്‍ ചില അല്ലറ ചില്ലറ സാധനങ്ങള്‍ വാങ്ങുവാനായി ഞാനിന്ന് കുടുംബസമേതം
പോയിരുന്നു. അവിടുത്തെ തെരുവുകളിലൂടെ നടന്നപ്പോള്‍ കുറെ അക്ഷരങ്ങള്‍
എന്നെ അറിയാതെ അവിടെ പിടിച്ചു നിര്‍ത്തി. കാരണം ഞാനവയെ ഒരിക്കലും അവിടെ പ്രതീക്ഷിച്ചിരുന്നില്ല.!

അങ്ങിനയാണ് കാര്യങ്ങള്‍ അല്ലേ..?
ഇതൊരു മലയാളിയുടെ കടയാവണം..!
കൊള്ളാം..!

മലയാളികള്‍ വളരട്ടേ..കേരളം വളരട്ടേ..!

ഇതിന്റെയെല്ലാം തൊട്ടടുത്തായുള്ള ഒരു ചൈനാ ടൌണിന്റെ കവാടത്തിന്റെ ചിത്രമാണ് താഴെക്കാണുന്നത്.

അവസാനം വീട്ടിലേക്കു പോകുന്ന വഴിയില്‍, പണ്ടെങ്ങോ സ്കൂളില്‍ കേട്ടിരുന്ന ഒരു കവിത എനിക്കോര്‍മ്മ വന്നു.

“കേരളം വളരുന്നു
പശ്ചിമഘട്ടങ്ങളെ..
കേറിയും കടന്നും..“

ഇതാരാണെഴുതിയതെന്നും ഇതിന്റെ ബാക്കിയെന്താണെന്നും ആര്‍ക്കെങ്കിലും അറിയാമോ..?

കള്ളന്മാരില്‍ നിന്നും ചതിയന്മാരിലേക്കുള്ള ദൂരം

2008-08-14T20:56:00.008Z

കള്ളന്മാരില്‍ നിന്നും
ചതിയന്മാരിലേക്കിന്ന്
അറുപത്തിയൊന്നിന്റെ
ആക്രാന്തത്തിളക്കം!

അടിയാന്റെ കയ്യിലിന്നും
വളയാണു ചങ്ങല..!
പണമില്ലാത്തവനെല്ലാം
പെരുവഴിയില്‍ മയങ്ങാം!

ഭരിക്കുന്നോന്റെ മോന്തായം
മരിക്കുവോളം മാറില്ല..!
വെള്ളക്കാരായി മാറുന്നു
ഭരണം കിട്ടും നാട്ടുകാര്‍..!

നരകത്തിന്റെ അടിയിലെ സ്വര്‍ഗ്ഗം

2008-08-08T20:11:00.000Z

പണം വെറും
പിണമാണെന്ന്
പറഞ്ഞവനെ
നാട്ടുകാര്‍ പിടികൂടി!
എന്നിട്ട്,
പൊതിരെ തല്ലി!

നരകത്തിന്റെയും
അടിയിലാണ്
സ്വര്‍ഗ്ഗമെന്നു
പറഞ്ഞവനെയവര്‍
തല്ലാതെ
വെറുതെവിട്ടു!

അവനാകട്ടെ
മത നേതാക്കളോടും
രാഷ്ട്രീയക്കാരോടും
സംഘംചേര്‍ന്ന്
ജനത്തെപ്പിടിച്ച്
കുഴികളിലേക്ക് തള്ളി!

സൌഹൃദ ദിന ആശംസകള്‍

2008-08-03T11:20:00.004Z

മനസ്സിനു കുളിരേകും
നമ്മുടെയീ ചങ്ങാത്തം
ഇണക്കവും പിണക്കവും
മധുരമീ ജീവിതം
പങ്കുവക്കാം ചിന്തകള്‍
ഇന്നുമെന്നും നമുക്ക്..
നേരുന്നു നന്മകള്‍
ഈ സൌഹൃദ ദിനത്തില്‍

എല്ലാ ബൂലോക നിവാസികള്‍ക്കും എന്റെ ആശംസകള്‍.

കാവല്‍ക്കാരായ അക്ഷരങ്ങള്‍

2008-08-02T14:09:00.005Z

നിറമുള്ള അക്ഷരങ്ങള്‍
വര്‍ണ്ണത്തില്‍ കാ‍ണുന്ന
സ്വപ്നങ്ങളെപ്പോലെയാണ്..!
ഫ്രിഡ്ജിന്റെ വാതിലില്‍
അവരൊട്ടിയിരുന്നു.
ഉള്ളില്‍ ശീതീകരിച്ചിരുന്ന
വാക്കുകള്‍ക്കും സ്വപ്നങ്ങള്‍ക്കും
വാതിലിന്‍ പുറത്തവര്‍
കാവലിരുന്നു...!

നാടു നന്നാകില്ല!

2008-07-21T00:08:00.004Z

നന്നാകില്ലൊരു നാടും
നരനൊരു നരിയാകുമ്പോള്‍,
നന്മയെങ്ങിനെ വിളയും
നരഭോജികളുടെ നാട്ടില്‍..?

ചിത്രം:ദീപിക

മഞ്ഞുപോലെ ഒരു സ്വപ്നം(ടെലി ഫിലിം ഗാനം)

2008-07-05T09:53:00.005Z

മഞ്ഞുപോലെ ഒരു സ്വപ്നം- ടെലി ഫിലിം.
സംവിധാനം- ജയറാം
കഥ,തിരക്കഥ,ഗാനരചന-ജയിംസ് ബ്രൈറ്റ്
സംഗീതം,ആലാപനം- ജോസഫ് തോമസ്സ്(ജോ)

പൊന്‍ കിളി എന്തിനു കരയുന്നു..?

2008-06-13T10:05:00.004Z

ഒരുനാളില്‍

രാവിലെ ഞാന്‍

ഉറങ്ങിയുണര്‍ന്നു

നോക്കുമ്പോള്‍

എന്റെ മനസ്സിന്‍

മുറ്റത്തിന്‍

തിരുമുറ്റ

ത്തൊരുകിളി..!

ആ കിളിയോ

പൊന്‍ കിളിയതാ

ഉറക്കെ, ഉറക്കെ

കരയുന്നു..!

എന്റെ മനസ്സിന്‍

ഉള്ളിലേതോ

മുറിവു വിങ്ങി

തേങ്ങുന്നു..!

എന്താ കിളി

പൊന്‍ കിളി നീ

ഉറക്കെ ഉറക്കെ

കരയുന്നെ..?

എന്റെയുള്ളിന്‍

ഉള്ളിന്റെ

കഥനം നീ

അറിയുന്നോ..?

എന്നാങ്ങള,

പൊന്നാങ്ങള

തിരികെ മടങ്ങി

വന്നീല..!

ഏഴു കടലും

താണ്ടിയേതോ

മുത്തെടുക്കാ‍ന്‍

പോയവന്‍..!

ബൂലോക ഉല്‍പ്പത്തി

2008-05-25T12:31:00.005Z

ദൈവം ബൂലോകത്തിനെ ഒരു കുന്നിന്റെ രൂപത്തില്‍ ഉണ്ടാക്കിയതിനു ശേഷം ഉറങ്ങുവാന്‍ പോയി.
പിറ്റേന്നു രാവിലെ ആ കുന്ന് മൊട്ടയാണെന്നു ദൈവം കണ്ടു..!
അവിടെ ഏകാന്തതയും വിരഹവും വിളയാന്‍ പോകുന്നുവെന്നു മനസ്സിലാക്കിയ ദൈവം അഞ്ജലി ഓള്‍ഡ് ലിപി, യൂണി കോഡ്,
വരമൊഴി, ഇളമൊഴി തുടങ്ങിയ മാരികളെയും മന്ത്രങ്ങളെയും ആ കുന്നിലേക്ക് അഴിച്ചുവിട്ടു..!
എന്നിട്ട് വീണ്ടും ദൈവം പോയിക്കിടന്ന് നല്ലതുപോലെ ഉറങ്ങി!
കുന്നില്‍ കുഞ്ഞു,കുഞ്ഞു ബോഗുകള്‍ മുളച്ചുവരുന്ന കാഴ്ച്ച കണ്ട് പിറ്റേന്ന് ദൈവത്തിന്റെ മനസ്സു കുളിര്‍ത്തു.
ബ്ലോഗുകളുടെ ഉടമസ്ഥാവകാശം അന്നുതന്നെ ദൈവം മനുഷ്യര്‍ക്കു കൈമാറുകയും ചെയ്തു!
******************************************************************************
അങ്ങിനെയാണത്രേ ബ്ലോഗുകള്‍ ഉണ്ടായത്! പിന്നീട് എന്തൊക്കെയാണു സംഭവിച്ചു കൊണ്ടിരിക്കുന്നെന്ന് അറിയുവാന്‍ ദിവസവും മൂന്നു നേരം വീതം ബ്ലോഗുകള്‍ വായിക്കുക!
മലയാളം കമ്പ്യൂട്ടര്‍ ലിപികള്‍ വികസിപ്പിച്ചെടുത്തവര്‍ ദയവുചെയ്ത് ക്ഷമിക്കണം(ദൈവം നിങ്ങളിലൂടെ പ്രവര്‍ത്തിച്ചുവെന്നു കരുതുക)

സത്യം പറഞ്ഞവനെ കൊന്നു..!

2008-05-12T17:25:00.002Z

സത്യം പറഞ്ഞോനെ
കൊന്നതിന്‍
പിറ്റേന്നോ,
കള്ളം പറഞ്ഞവന്‍
രാജാവായി!

പാതകം ധാരാളം
മഴപോലെ
പെയ്തപ്പോള്‍
പാതി കുടിച്ചോനോ
മന്ത്രിയായി!

ആനപ്പശു

2008-05-11T21:45:00.004Z

കാശില്ലാത്തവന്‍
അശു!
കാശുള്ളവനോ
പശു!
അശുവിനു
കാശുണ്ടായാല്‍
അവനും പശു,
ആനപ്പശു!

മനസ്സ്

2008-05-10T22:36:00.008Z

മനസ്സെന്നും
മന്ത്രിക്കുന്നു
മധുരമെന്നും
മത്തേകുന്നു!

കദനമെന്നും
കരയിക്കുന്നു
കാമിനിയെ
കാമിക്കുന്നു!

സുന്ദരി കരയുന്നു..!

2008-05-05T20:28:00.003Z

സുന്ദരി കരഞ്ഞു..!
മനസ്സു തേങ്ങി കരഞ്ഞു!
കരയുമ്പോളവളില്‍
ശാകുന്തളം വിരിയും പോലും!
ആസ്വാദക ചെങ്ങാതിമാര്‍
കവിതകള്‍ രചിച്ചു!

കണ്ണുനീര്‍ത്തുള്ളികള്‍
മുത്തുമണികളാണത്രേ!
കരയുന്ന സുന്ദരികളില്‍
കവിതയുണ്ടു പോലും!
ശാകുന്തളങ്ങളെല്ലാം
അങ്ങിനെയുണ്ടായി!

അമ്മയെനിക്കു തരുന്നത്..!

2008-05-02T22:39:00.007Z

അമ്മയെനിക്ക്
എന്തെല്ലാമോ
തിന്നുവാനും
കുടിക്കുവാനും
എന്നുമെന്നും
തരുന്നു.
അതു ഞാന്‍
കഴിക്കാഞ്ഞെന്നാല്‍,
അവര്‍ക്കു
ദേഷ്യം വരുന്നു!
എന്തിനാണവര്‍ക്കു
ദേഷ്യം വരുന്നത്?
എനിക്കൊന്നും
മനസ്സിലാവുന്നില്ല!
കാര്യമെന്താണെന്ന്
അറിയുമോ..?
ഞാനിന്നും എന്റെ
പിതാവിനൊപ്പം
വലുതായിട്ടില്ല പോലും..!

ശ്രീശാന്ത് പറയുന്നതു കേള്‍ക്കുക.

2008-04-27T21:08:00.008Z

തെറ്റുകുറ്റങ്ങള്‍ ഇല്ലാത്തവരുണ്ടോ?
ഇല്ല.
ശ്രീശാന്ത് ഒരു മലയാളി ആണല്ലോ?
അതെ.
ഒരു കുഞ്ഞു പയ്യന്റെ അറിവുകേടുകളെന്നുകരുതി അവന്റെ തെറ്റുകള്‍ നാം പൊറുക്കണം.
ശ്രീശാന്തിനെ അടിച്ചതില്‍ മറ്റു മാലോകരൊപ്പം നിങ്ങളൊരു മലയാളിയാണെങ്കില്‍ നിങ്ങളും പ്രതികരിക്കുക!

ഇതു വായിക്കുക(ക്ലിക്ക്)

ഈ വീഡിയോ കാണുക.

ഉറക്കം

2008-04-24T22:22:00.005Z

ഉറക്കം എന്നും
ഉറങ്ങാത്ത
കണ്ണുകളിലെത്തും.
പ്രേമമെന്നും
വിതുമ്പുന്ന
മാനസങ്ങളില്‍
നിന്നൊഴുകും!
എന്നാല്‍
നാം തമ്മില്‍
ചേരുമ്പോളെല്ലാം
എവിടെ നിന്നോ
ഒരു കാവ്യം
നമ്മില്‍ നിറയും!

എന്തിനീ ബ്ലോഗ് ശില്പ്പശാലകള്‍?

2008-04-23T11:37:00.006Z

പണ്ട്..ഞങ്ങളുടെ കോളേജിലുണ്ടായിരുന്ന(ആലപ്പുഴ മെഡിക്കല്‍ കോളേജ്) ഒരു മിടുക്കനായ എഴുത്തുകാരന്‍ ചെങ്ങാതിയുമായി ഞാനിന്ന് ഫോണില്‍ സംസാരിച്ചു. വളരെ നല്ല ഒരു ഡോക്ടറായി നാട്ടില്‍ ഇന്നയാള്‍ ജീവിക്കുന്നു. സംസാരത്തിനിടെ ഉരുത്തിരിഞ്ഞു വന്ന കാര്യങ്ങള്‍ ഇവിടെ ഞാന്‍ എഴുതുന്നു.

* ഓര്‍ക്കട്ടിനെപ്പറ്റി അദ്ദേഹം അറിയുന്നത് ഒരാഴ്ച മുമ്പു മാത്രമാണ്.
* മലയാളത്തില്‍ എഴുതാന്‍ കഴിയുന്നത് വളരെ ശ്രമകരമായ കാര്യമാണ്, അതിന് ഒരുപാട് പരിശ്രമം വേണം.
* എങ്ങിനെ മലയാളത്തില്‍ ബ്ലോഗുണ്ടാക്കാം, എങ്ങിനെ മലയാളത്തില്‍ എഴുതാം എന്നുള്ള കാര്യങ്ങള്‍ വിശദീകരിക്കേണ്ടി വന്നു.
* ഫോണില്‍ സംസാരിച്ച കാര്യങ്ങള്‍ വ്യക്തമായി ഒരു ഇ മെയിലിലൂടെ അറിയിക്കണം.
* പറഞ്ഞു കേട്ടിടത്തോളം ഇതെല്ലാം വലിയ പണിയാണെന്നു തോന്നുന്നു(എന്നിരുന്നാലും ശ്രമിക്കാം).

ഇതെല്ലാമായിരുന്നു ആ ഫോണ്‍ സംസാരത്തിന്റെ സാരാംശം. അദ്ദേഹം ഇന്റെര്‍നെറ്റുമായി സംവദിക്കാന്‍ തുടങ്ങിയിട്ട് വളരെക്കുറച്ചു നാളേ ആയിട്ടുള്ളു! ഇതാണോ കേരളത്തിലെ മിക്ക ആളുകളുടെയും സ്ഥിതി?

ഈ അവസ്ഥയില്‍ എന്താണീ ബ്ലോഗു ശില്‍പ്പശാലകളുടെ പ്രസക്തി..?
നിങ്ങള്‍ തന്നെ തീരുമാനിക്കുക.

ബ്ലോഗ് അക്കാദമിയും ഇന്‍ഡ്യന്‍ പ്രിമീയര്‍ ലീഗും

2008-04-20T21:30:00.005Z

ബ്ലോഗ് അക്കാദമിയെപ്പറ്റി എന്തിനു നാം വ്യാകുലപ്പെടണം?
അത് അതിന്റെ വഴിയെ പൊയ്ക്കോട്ടെ.
കേരള ഫിലിം അക്കാദമിയാണോ നമ്മളെ സിനിമ കാണാന്‍ പര്യാപ്തരാക്കുന്നത്?
അല്ല..പിന്നെ എന്താണു പ്രശ്നം?

ചിലര്‍ക്കു ചിലതിനോടുള്ള അഭിപ്രായം ചിലര്‍ക്കു സ്വീകാര്യമാവില്ല.
ലോകത്ത് ഒരിക്കലും ഏകാഭിപ്രായമായുള്ള സംഭവങ്ങള്‍ ഉണ്ടായിട്ടില്ല.
നല്ല ബ്ലോഗറന്മാര്‍ നമുക്കുണ്ടാകണം. അതിനാര്‍ക്കും എതിരുണ്ടാകില്ലല്ലോ?

ഇനി എഴുതാന്‍ കഴിയാത്ത ആളുകളുണ്ടെങ്കില്‍ അവര്‍ക്ക് എഴുതാന്‍ കഴിയട്ടെ.
കമ്പ്യൂട്ടര്‍ കോഴ്സുകള്‍ പുരോഗമിക്കട്ടെ.
ഒന്നും ഒരാള്‍ക്കും ഒരിക്കലും കുത്തകയായി വയ്ക്കാന്‍ പറ്റുന്നതല്ലാത്തിടത്തോളം കാലം
ഒന്നിനെപ്പറ്റിയും ആരും സങ്കടപ്പെടാതിരിക്കുക.
മലയാളികള്‍ എന്നും കുത്തകകള്‍ക്കെതിരാണ്!

സമയം ആരും കളയരുത്. ഇപ്പറയുന്ന ഞാനും!
നല്ല ഒരു കാര്യം ഇപ്പോള്‍ നടക്കുന്നുണ്ട്.
ഇന്‍ഡ്യന്‍ പ്രിമീയര്‍ ലീഗ്..!
നമുക്കെല്ലാം പോയി ഇന്‍ഡ്യന്‍ പ്രിമീയര്‍ ലീഗ് കാണാം.
ചെന്നൈ സൂപ്പര്‍ കിങ്സിനെ സപ്പോര്‍ട്ടു ചെയ്യാം!

കല്‍ക്കട്ട ഐ പി എല്‍ ടീം

2008-04-17T18:02:00.000Z

സ്വപ്നങ്ങള്‍ ഉറങ്ങാറില്ല!

2008-04-13T22:21:00.006Z

സ്വപ്നങ്ങള്‍ തീര്‍ച്ചയായും
സഹതാപം അര്‍ഹിക്കുന്നു!
എന്താണതിന്റെ കാര്യം?
അവരുറങ്ങാറില്ലപോലും!

എങ്ങിനെയവരുറങ്ങും?
ഒരിടത്തു ജീവാത്മാക്കള്‍
ഉണരുമ്പോള്‍,മറിടത്തു
മറ്റുള്ളവര്‍ ഉറങ്ങില്ലേ?

പ്രപഞ്ച രഹസ്യങ്ങള്‍

2008-04-11T22:31:00.005Z

ഈ പ്രപഞ്ചത്തില്‍ നമ്മളെപ്പോലെയുള്ള ആളുകള്‍ താമസിക്കുന്ന 100,000-ഓളം ഗ്രഹങ്ങളുണ്ടെന്നാണ് കണക്കാക്കുന്നത്.
അവരുടെ ടെക്നോളജിപരമായ വളര്‍ച്ച നമ്മെക്കാളും 50,000 വര്‍ഷം മുമ്പായിരിക്കുമ്പോലും!

ഇവിടെ വായിക്കുക(ക്ലിക്ക്)

നാസ പുതിയ വെബ്സൈറ്റു തുടങ്ങി.സ്പേസ് സംബന്ധിച്ച എല്ലാ വിവരങ്ങളും ഇവിടെ കിട്ടും.

നാസയുടെ പുതിയ വെബ്സൈറ്റ്(ക്ലിക്ക്)

മനുഷ്യന്മാര്‍ നമ്മുടെ ഭൂമിക്കുചുറ്റും നിക്ഷേപിച്ചിരിക്കുന്ന മാലിന്യങ്ങളുടെ ചിത്രങ്ങള്‍(ക്ലിക്ക്)

ടോപ്പ് എന്‍ഡ് ക്യാമറകള്‍

2008-04-10T20:50:00.000Z

ഇന്നു ലോകത്തു നിലവിലുള്ള സൂപ്പര്‍ ക്യാമറകള്‍

ഇവിടെ ക്ലിക്കു ചെയ്യുക

ജര്‍മ്മന്‍ റെസ്റ്റോറന്റ്, ചൈനീസ് ആശുപത്രി

2008-04-10T18:02:00.001Z
ഈ ജര്‍മ്മന്‍ റെസ്റ്റോറന്റിന് ഒരുപ്രത്യേകതയുണ്ട്.

ഇവിടെ വായിക്കുക.

ഈ ചൈനീസ് ആശുപത്രിയില്‍ രസകരമായ ഒരുകാര്യം
നിങ്ങള്‍ക്കു കാണാം.

ഇവിടെ കാണുക

ചൈനീസ് ഒളിംബിക് ടോര്‍ച്ചിന്റെ കഥ

2008-04-09T20:20:00.002Z

ഇന്നുവരെയുണ്ടായിട്ടുള്ള ഒളിമ്പിക്സുകളുടെ ചരിത്രത്തില്‍ ഇന്നോളം ചൈനീസ് ഒളിമ്പിക്സ് ടോര്‍ച്ചിനുണ്ടായ അത്രയും ഗതികേട്
ഒരൊളിമ്പിക് ടോര്‍ച്ചിനും ഉണ്ടായിട്ടുണ്ടോ എന്നു സംശയമാണ്.
ലെനോവോ എന്ന കമ്പനിയാണ് ഈ ടോര്‍ച്ച് ഡിസൈന്‍ ചെയ്തത്. 5000 വര്‍ഷത്തെ ചൈനീസ് പാരമ്പര്യം അടങ്ങിയിരിക്കുന്ന
അതിന്റെ അണിയറ രഹസ്യങ്ങള്‍ അറിയണമെന്നുണ്ടോ?

ഇവിടെ അമര്‍ത്തുക

മഞ്ഞുകൊട്ടാരങ്ങള്‍

2008-04-08T16:50:00.003Z

മഞ്ഞു കൊണ്ടു പണിയുന്ന കൊട്ടാരങ്ങള്‍ ഒരുതരത്തില്‍ ചിന്തിച്ചാല്‍
ചിത്രശലഭങ്ങളെപ്പോലെയാണ്. അവയുടെ ആയുസ്സ് വളരെക്കുറച്ചുമാത്രം.
എന്നാല്‍ അവ വീണ്ടും നിര്‍മ്മിക്കപ്പെടാറുണ്ട്.

ലോകത്തു പണിതീര്‍ക്കപ്പെട്ട മഞ്ഞു കൊട്ടാരങ്ങളുടെ അപൂര്‍വ ചിത്രങ്ങള്‍ കാണുവാന്‍

ഇവിടെ അമര്‍ത്തുക

144 രാജ്യങ്ങളിലെ ബിയറിന്റെ വില..!

2008-04-07T17:40:00.005Z

144 രാജ്യങ്ങളിലെ ബിയറിന്റെ വില അറിയണമെന്നുണ്ടോ..?

ഉണ്ടെങ്കില്‍ ഇവിടെ അമര്‍ത്തുക!

സൂപ്പര്‍ ഫാസ്റ്റ് ഇന്റെര്‍നെറ്റ്

2008-04-06T14:37:00.004Z

ഇന്റെര്‍നെറ്റ് ഇന്നും കേരളത്തില്‍ വലിയ കാര്യമൊന്നുമല്ല.
ഇന്റെര്‍നെറ്റ് ആവശ്യമുള്ള ഒരു കാര്യമാണെന്ന് അധികമാരും
അവിടെ കരുതുന്നില്ല.
എത്ര നാളുകള്‍ വേണ്ടിവരും ഈ അവസ്ഥയ്ക്കൊരു മാറ്റം വരുവാന്‍?

അതെന്തുമായിക്കോട്ടെ ഇന്റെര്‍നെറ്റ് ഇതാ മാറിക്കൊണ്ടിരിക്കുന്നു.

ഇവിടെ വായിക്കുക(മലയാളത്തിലല്ല ഈ ലിങ്ക്..!)

അവസാനത്തെ വണ്ടി

2008-04-04T10:39:00.003Z

ഞാനിന്നുണര്‍ന്നപ്പോള്‍
അവസാനത്തെ വണ്ടിയും
പൊയ്ക്കഴിഞ്ഞിരുന്നു!
എനിക്കു ബോധം വീണപ്പോള്‍
അവസാനത്തെ അത്താഴവും
ഭക്ഷിച്ചു കഴിഞ്ഞിരുന്നു!

ജീവിതം അവശേഷിക്കുന്നു
അത്താഴങ്ങളെപ്പോലെ!
നമ്മളവയെ ഭക്ഷിക്കുമോ?
അതോ അവ നമ്മളെയാണോ
ഭക്ഷിക്കുവാന്‍ പോകുന്നത്..?

മടക്കുന്ന മാസിക

2008-04-02T10:28:00.004Z

അറുപതുകള്‍ മുതലേ അമേരിക്കയില്‍ പ്രചാരത്തിലുണ്ടായിരുന്ന ഒരു മാസികയാണിത്.
നിവര്‍ത്തിവച്ചു വായിക്കുമ്പോഴും മടക്കി വായിക്കുമ്പോഴും വ്യത്യസ്ഥങ്ങളായ ചിത്രങ്ങളും
ആശയങ്ങളും സമ്മാനിക്കുന്നുവെന്നതാണ് ഈ മാസികകളുടെ പ്രത്യേകത.
അവയുടെ ഇന്ററാക്ടീവ് രൂപങ്ങള്‍ നിങ്ങള്‍ക്ക് താഴെക്കാണുന്ന ലിങ്കില്‍ അമര്‍ത്തിയാല്‍ കാണാം.
മാസിക മടക്കുന്ന രീതി ആദ്യം തന്നെ അവിടെ പറയുന്നുണ്ട്.

മടക്കുന്ന മാസിക

മികച്ച 100 ഏപ്രില്‍ ഫൂള്‍ കഥകള്‍

2008-03-31T18:35:00.003Z

ജാഗ്രത..ഏപ്രില്‍ ഒന്ന് ഇതാ എത്തി അഥവാ എത്തുവാന്‍ പോകുന്നു.
നമ്മളൊക്കെ ചിലപ്പോള്‍ ഈ ദിവസത്തില്‍ കബളിപ്പിക്കപ്പെട്ടിരിക്കാം..!
എനിക്കു ചില അബദ്ധങ്ങള്‍ ഈ ദിവസത്തില്‍ പറ്റിയിട്ടുണ്ട്.
എന്നാല്‍ ചരിത്രത്തിലെ ഏറ്റവും വലിയ ഏപ്രില്‍ ഫൂള്‍ കഥകള്‍
ഏതൊക്കെയാണെന്നറിയാന്‍ താഴെക്കാണുന്ന ലിങ്കില്‍ അമര്‍ത്തുക.

മികച്ച 100 ഏപ്രില്‍ ഫൂ‍ള്‍ കഥകള്‍

1957 ബിബിസി

ഏപ്രില്‍ ഫൂള്‍ ദിനം എങ്ങിനെ ഉണ്ടായി?
ഇവിടെ വായിക്കുക

നിങ്ങള്‍ അറിഞ്ഞിരിക്കേണ്ടുന്ന 101 വെബ്സൈറ്റുകള്‍

2008-03-31T11:12:00.002Z

ഒരുപക്ഷേ ഈ വെബ്സൈറ്റുകള്‍ നിങ്ങള്‍ക്കും ആവശ്യമുണ്ടാകും.
താഴെക്കാണുന്ന ലിങ്കില്‍ അമര്‍ത്തുക.

നിങ്ങള്‍ അറിഞ്ഞിരിക്കേണ്ടുന്ന 101 വെബ്സൈറ്റുകള്‍

സ്വപ്നം, യക്ഷി, പൂക്കള്‍, നന്മ..!

2008-03-30T03:09:00.004Z

സ്വപ്നങ്ങളില്ലാതിരുന്നെങ്കില്‍
മനസ്സുകള്‍ക്ക് മരിക്കേണ്ടുന്ന
ആവശ്യം വരില്ലായിരിക്കാം..!
പുഷ്പങ്ങളിവിടെയില്ലാതിരുന്നെങ്കില്‍
യക്ഷികള്‍ക്കൊരിക്കലും
ഇലഞ്ഞിഗന്ധം ഉണ്ടാകുമായിരുന്നില്ല!

സ്നേഹം ചന്തയില്‍ കിട്ടുന്നില്ല,
തലച്ചോറിലൊരിക്കലും ഭൂകമ്പവുമില്ല!
നാടിനു ഭ്രാന്തു പിടിച്ചാലും,
നാട്ടാരിളകിമറിഞ്ഞെന്നാലും,
നല്ല മനസ്സുകളില്ലാഞ്ഞെന്നാല്‍
നന്മയെ നമുക്കു കാണാന്‍ കഴിയുമോ?

യു.കെ ബ്ലോഗേഴ്സ്

2008-03-29T17:23:00.002Z
എത്ര മലയാളം ബ്ലോഗര്‍മാര്‍ യു.കെ യില്‍ നിന്നുമുണ്ട്?
അതോ ഇവിടെനിന്നും അധികം ബ്ലോഗേഴ്സ് ഇല്ല എന്നുള്ളതാണോ
സത്യം?
ഇംഗ്ലീഷില്‍ ബ്ലോഗു ചെയ്യുന്നവര്‍ കുറേപ്പേരുണ്ടെന്നറിയാം
എന്നാല്‍ മലയാളം ബ്ലോഗറന്മാരെപ്പറ്റി അറിയുവാന്‍ ആഗ്രഹിക്കുന്നു.

നൊമ്പരം

2008-03-26T20:55:00.001Z
മനസ്സിനു മുറിവേറ്റു
നൊമ്പരം..
കനവിലൊരു
കനലെരിഞ്ഞു
നൊമ്പരം..!
മുറിവിലൊരു
മുനകൊണ്ടു..
നൊമ്പരം..
മനസ്സറിയാതെ
നീയെന്നോട്
നീയെന്നെ
അറിയില്ലയെന്നു
പറഞ്ഞതും
എനിക്കു നൊമ്പരം..

മഞ്ഞുപോലെ ഒരു സ്വപ്നം

2008-03-24T02:37:00.005Z
മഞ്ഞുപോലെ ഒരു സ്വപ്നം
മനസ്സിലെങ്ങോ ഒരു ദുഃഖം!
മലരായ് മധുവായ് മാറിടാനായ്
മനസ്സിലെങ്ങോ ഒരു മോഹം..
മനസ്സിലെങ്ങോ ഒരു മോഹം
(മഞ്ഞുപോലെ...)

സ്വപ്നത്തിലന്നൊരു സന്ധ്യയില്‍
കണ്ടു ഞാന്‍ നിന്നെ ഒരു നാളില്‍
മോഹങ്ങള്‍ പൂവിട്ട വേളയില്‍
ആത്മാവിന്‍ ദാഹമായ് നീ..
(മഞ്ഞുപോലെ..)

എന്നോടു ചൊല്ലാതെ പോയിടുമോ നീ
എന്‍ മാനസ്സത്തില്‍ നിന്നെവിടേക്കോ?
സ്വപ്നങ്ങള്‍ക്കേകിയ വര്‍ണ്ണങ്ങളെല്ലാം
മാഞ്ഞൊരോര്‍മ്മയായ് മാറിടുമോ..?
(മഞ്ഞുപോലെ..)

(മഞ്ഞുപോലെ ഒരു സ്വപ്നം എന്ന ടെലിഫിലിമിലെ ഒരു ഗാനം)

മഞ്ഞുപോലെ ഒരു സ്വപ്നത്തിന്റെ ഷൂട്ടിംഗ് വേളയില്‍

ഈസ്റ്റര്‍ ആശംസകള്‍(ഗൂഗിള്‍)

2008-03-23T00:16:00.002Z

മനസ്സ്

2008-03-12T00:00:00.003Z

മനസ്സറിയാതെ
അന്നൊരിക്കല്‍
ഞാന്‍ നിന്നോട്
പറഞ്ഞെതെന്താണ്?

ബന്ധങ്ങളും പിന്നെ
മനസ്സുകള്‍ തമ്മിലുള്ള
ആകര്‍ഷണങ്ങളെയും പറ്റി
നാമെത്ര സ്വപ്നങ്ങള്‍ നെയ്തു?

നമുക്കു രണ്ടു പേര്‍ക്കും
അതോര്‍മ്മയുണ്ടാകണം,
അല്ലെങ്കില്‍ നാമതിനെ
മറക്കാതിരിക്കണം!

എനിക്കു നിന്നോടുള്ള
പ്രണയം സത്യമല്ലെന്നല്ല
പിന്നെയോ..? ഒരിക്കലും
അതൊരു മിഥ്യയല്ലെന്നുമല്ല!

തണുപ്പ്

2008-02-19T23:40:00.002Z

തണുപ്പ് ഒരുതരം
അരപ്പു പോലെ
അരിച്ചരിച്ചുവന്നു.
തടാകം ഉറഞ്ഞു.
മീനുകളെല്ലാം
ചത്തുപോയി.
ചൂടും വെയിലും
ഇനിയെന്നുവരും?
ചൂണ്ടക്കടക്കാരന്‍
കടയടച്ച് ഉറങ്ങാന്‍
പോയിക്കഴിഞ്ഞിരുന്നു!

വിഷാദ മേഘങ്ങള്‍

2008-02-17T01:00:00.006Z
കറുത്ത വാവിന്റെ
കരിമഷിയിരുട്ടും
കദനം പൊട്ടിക്കും
കതിനയാം വിങ്ങലും
ഒരു തുണിസഞ്ചിയില്‍
ചുമലില്‍ താങ്ങി
വിളിക്കാതെ
വിരുന്നുവന്ന
വിഷാദ മേഘങ്ങള്‍
നിസ്സഹായനായ
മനസ്സിനെ ഞെരിച്ചു
ശ്വാസം മുട്ടിച്ചു!
ഇടനെഞ്ചിന്റെ
ഭാരമകറ്റാന്‍
മനസ്സാഗ്രഹിച്ചെങ്കിലും
കരഞ്ഞൊഴിയാന്‍
മേഘങ്ങള്‍ കൂട്ടാക്കിയില്ല.

ചൂണ്ട

2008-02-02T19:45:00.000Z
ജീവിതപ്പുഴ നിറഞ്ഞൊഴുകി.
അയാളുടെ ചൂണ്ടയിലന്നും
ദുഃഖങ്ങള്‍ മാത്രം
പതിവുപോലെ കുടുങ്ങി!

വിശന്നു വലഞ്ഞിരുന്ന
ഭാര്യയും കുഞ്ഞുങ്ങളും
അതു കറിവെച്ചു തിന്നു!
അയാളിരുന്ന് കരഞ്ഞു!

മഴയും മനസ്സും

2008-01-16T22:25:00.000Z
മഴ പെയ്തൊഴിഞ്ഞപ്പോള്‍
മേഘങ്ങളെ
കാണാനേ കിട്ടിയില്ല!
ചക്രവാളങ്ങളുടെ
ശോണിമ
അങ്ങിനെയാണു
ഞാനറിഞ്ഞത്!

നീല നിറമുള്ള
ആകാശത്തിലെ
ഒരുപാടു
നക്ഷത്രങ്ങളെക്കുറിച്ച്
ഇന്നലെ
മാത്രമാണു
ഞാന്‍ ചിന്തിച്ചത്!

ഒരുകാര്യം
എനിക്കുറപ്പായി.
ജീവിതം ഒരു
പ്രതീക്ഷ മാത്രമാണ്.
നക്ഷത്രങ്ങളാണ്
അതിലെ സ്വപ്നങ്ങള്‍!

മെറി ക്രിസ്മസ്

2007-12-24T20:43:00.000Z
ദിവസങ്ങളും
മാസങ്ങളും
പിന്നെ വര്‍ഷങ്ങളും
നമ്മെ കടന്നു പോകുന്നു.

ആശംസകള്‍ നേരുന്നു
വീണ്ടും ഒരു
ക്രിസ്മസിന്..വീണ്ടും
മറ്റൊരു പുതു വര്‍ഷത്തിന്

ജനുവരിയും ഡിസംബറും വേണ്ട..!

2007-12-23T11:26:00.000Z
ഡിസംബര്‍ കഴിഞ്ഞ്
ജനുവരി എന്തിനാണു
വരുന്നത്..?
അതെനിക്കിഷ്ടമല്ല..!

ജനുവരികളൊരിക്കലും
എന്നെ സന്തോഷിപ്പിക്കാറില്ല!
ക്രിസ്തുമസ്സും പുതു വര്‍ഷവും
നമ്മെ കടന്നു പോവുകയല്ലേ..?

നീണ്ട കാത്തിരിപ്പു വേണ്ടേ
അടുത്ത ഡിസംബറിനും
പിന്നെ മറ്റൊരു ജനുവരിക്കും..?
അതാണെനിക്കൊട്ടും ഇഷ്ടമല്ലാത്തത്..!

ഒന്നുമാത്രം

2007-12-19T21:21:00.000Z
നിമിഷമായിരം
ദിവസമനേകം
വര്‍ഷങ്ങള്‍
എണ്ണാം നമുക്ക്!

സ്നേഹിക്കാം
നമുക്കന്യോന്യം..
ഈ ജീവിതം
നമുക്കൊന്നു മാത്രം!

രാത്രി ജോലി

2007-12-17T23:50:00.000Z
രാത്രിയിലെ ജോലിക്കു
വരുമ്പോളെന്നും
മനസ്സയാള്‍ വീട്ടില്‍
പൂട്ടിവയ്ക്കുമായിരുന്നു!

പകലുകളിലയാള്‍
ജോലിചെയ്തപ്പോളോ..?
എന്നും മനസ്സ്
വീട്ടില്‍ക്കിടന്നുറങ്ങി!

നൊമ്പരക്കൂമ്പാരം

2007-12-05T20:32:00.000Z
നൊമ്പരങ്ങളുടെ
ഒരു കൂമ്പാരം..!
അയാളതിനെ
നോക്കി ഇരുന്നു.
ഈയിടെ
അതാണയാളുടെ പണി!

രക്തം വാര്‍ന്നു
പോയിരുന്നാ
കണ്ണുകളില്‍ നിന്നും..
മരിച്ച കണ്ണുകള്‍ പോലെ
അവ നിര്‍ജ്ജീവങ്ങളായിരുന്നു!

കടന്നു പോയി
ജീവിതമാ
മുഖത്തില്‍ നിന്നും!
വിളറിയ മുഖം അതാണു
തോന്നിപ്പിച്ചത്!

ജീവിതവും
നൊമ്പരവും
ഏതാണാവോ
ആദ്യം ഉണ്ടായത്..?
അയാള്‍ സ്വയം ചോദിച്ചു!

ആത്മപരിശോധന

2007-12-04T19:36:00.000Z
രാവിലെ തന്നെ
ഞാനെന്റെ
മനസ്സിന്റെ കൊടി
താഴ്ത്തിക്കെട്ടി.
എന്റെ മനസ്സിന്
ഒരു കൊടിയുടെ
ആവശ്യമുണ്ടോ.?

ഉന്നത മനസ്സുകള്‍
കൊടികള്‍ പാറിക്കുന്നു,
സാഫല്യമടയുന്നു.
എന്റെ കാര്യം
അങ്ങിനെയാണോ?
ഞാനെന്റെ കൊടി
മടക്കുന്നതല്ലേ നല്ലത്..?

സത്യം ഞാന്‍ പറയാം..
എല്ലാ ദിവസവും ഞാന്‍
ചെയ്യുന്നതെല്ലാം
എങ്ങിനെ ശരികളാകും..?
എന്റെ ചെയ്തികള്‍
മറ്റു പല മനുഷ്യര്‍ക്കും
തെറ്റുകളായി തോന്നിക്കൂടേ..?

ജീവപര്യന്തം തടവ്

2007-12-03T19:14:00.000Z
മനസ്സാക്ഷിക്കോടതിയില്‍
എനിക്കെന്റെ
വിചാരണ ഇന്നലെയാണു
കഴിഞ്ഞു വിധിയായത്..!

കള്ളം നടിക്കുക,പ്രവര്‍ത്തിക്കുക,
കപടവര്‍ത്തമാനം പറയുക,
അത്യാഗ്രഹം, അമിതമോഹം
ഇതൊക്കെയാണെന്റെ കുറ്റങ്ങള്‍.

നിയമത്രാസിന്റെ സൂചി
അങ്ങോട്ടും ഇങ്ങോട്ടും
ആടുന്നതു ഞാന്‍
വീറയലോടെ കണ്ടു..!

നിനക്കെന്തെങ്കിലും
പറയാനുണ്ടോ..?
നിയിതെല്ലാം ചെയ്തോ..?
സത്യം മാത്രം പറയുക.

എല്ലാം സത്യമായിരുന്നു.
ഞാനതെല്ലാം സമ്മതിച്ചു.
ജീവപര്യന്തം തടവ്..
എനിക്കെതിരെ മനസ്സിന്റെ വിധി.!

കവികളുടെ ഒരു ഗതി

2007-12-02T19:32:00.000Z
കവികള്‍ കാവ്യം
രചിച്ചപ്പോള്‍
ഗഡികള്‍ ശാകുന്തളം
മെനഞ്ഞു!
ഇന്റര്‍നെറ്റിലൂടെ
കവിതകള്‍ പാഞ്ഞു!
ആധുനിക കവികളുടെ
മാനസം കുളിര്‍ത്തു..!

പറയാതെ പോയ പ്രണയം

2007-12-02T01:21:00.000Z
നിന്നെയെനിക്കന്തുമാത്രം
ഇഷ്ടമായിരുന്നുവെന്നോ,
നിനക്കു വേണ്ടി
നാളുകളെത്ര ഞാന്‍
കാത്തിരുന്നുവെന്നോ,
ജീവിതത്തിലൊരിക്കലും
നീ അറിഞ്ഞിരുന്നില്ല..!

എനിക്കന്നതു പറയാന്‍
കഴിയാതെ പോയി!
നീയും അതെന്നോട്
എന്തേ പറഞ്ഞില്ല..?
ഇന്നു രാവേറെയായി..!
ഇനി,നമുക്കത് നമ്മുടെ
മനസ്സുകളില്‍ സൂക്ഷിക്കാം!

വാക്കുകള്‍ നഷ്ടപ്പെടുമ്പോള്‍

2007-12-01T18:25:00.000Z
തെരുവിലൂടെ നടന്നു..
തെരുവിലകപ്പെട്ടു,
വാക്കുകള്‍ നഷ്ടപ്പെട്ട
നമ്മുടെ വാത്മീകി!

വചനം,വര്‍ത്തമാനം
പ്രവചനം,പ്രവാചകം
എല്ലാം മറന്നുപോയി
പാവം വാത്മീകി.!

മനസ്സും മനസ്സും

2007-11-30T21:54:00.000Z
മനസ്സും മനസ്സും
ചേരുന്നിടത്താണോ
കരളും കരളും
പങ്കുവയ്ക്കപ്പെടുന്നത്..?

കാലം കഥ പറയുന്നു,
കാമം കണ്ണുപൂട്ടുന്നു
കാലം കഥയായിരിക്കാം.!
പക്ഷേ കഥയാണോ ജീവിതം?

സ്വപ്നത്തിലന്നൊരു സന്ധ്യയില്‍

2007-11-30T02:16:00.000Z

അതേ..സ്വപ്നത്തിലന്നൊരു സന്ധ്യയില്‍ ആരെങ്കിലും എന്തെങ്കിലും കണ്ടുവോ..?

അരാണീ പെണ്‍കുട്ടികള്‍..?

അണിയറശില്‍പ്പികള്‍, മഞ്ഞുപോലെ ഒരു സ്വപ്നം

2007-11-25T19:20:00.000Z
കോസ്റ്റ്യൂം ഡയറക്റ്റര്‍ ആന്‍ഡ് മേക്കപ്പ് ആര്‍ട്ടിസ്റ്റ്
നിക്കൊളയും മേക്കപ്പ് ആര്‍ട്ടിസ്റ്റും
കോറിയോഗ്രാഫര്‍
അസ്സോസിയേറ്റ് ഡയറക്ടര്‍

പൂജയുടെ കൂടുതല്‍ ചിത്രങ്ങള്‍

2007-11-25T13:30:00.000Z
ആല്‍ബന്‍ സ്മിത്ത്- അസ്സിസ്റ്റന്റ് ക്യാമറാമാന്‍

ജെയ്സണ്‍, ക്യാമറാമാന്‍

അഭിയും സന്തോഷും

സന്തോഷിന് മേക്കപ്പ്..

സംവിധായകന്‍,നായകന്‍,നായിക,നിര്‍മ്മാതാവ് തുടങ്ങിയവര്‍

മഞ്ഞുപോലെ ഒരു സ്വപ്നം..കഥാപാത്രങ്ങള്‍

2007-11-24T21:42:00.000Z
അഭിലാഷ്, നിക്കോള

നിക്കോള അഭിലാഷിന്റെ ഒരു ക്ലാസ്സ് മേറ്റാണ്. അവരുടെയിടെയില്‍ എന്തെങ്കിലുമുണ്ടോ..? അതു നിങ്ങള്‍ക്കു തീരുമാനിക്കാം..!

ഡോക്ടര്‍ ക്ലിഫോര്‍ഡ്

ഇദ്ദേഹം ലണ്ടനിലെ ഒരു പ്രശസ്തനായ ഡോക്ടറാണ്. അദ്ദേഹത്തിന്റെ പ്രസക്തി എന്താണിവിടെ..?

ടെലി ഫിലിം പൂജയുടെ ചിത്രങ്ങള്‍

2007-11-24T09:52:00.000Z

ഇക്കഴിഞ്ഞ രണ്ടു ദിവസം മുമ്പ് മഞ്ഞു പോലെ ഒരു സ്വപ്നത്തിന്റെ പൂജ ലണ്ടനില്‍ വച്ചു നടക്കുകയുണ്ടായി.

സംവിധായകനും ക്യാമറാമാനും

മേക്കപ്പ് ആര്‍ട്ടിസ്റ്റും നായകനും

അഭിലാഷും സന്തോഷും

ടെലി ഫിലിം- മഞ്ഞുപോലെ ഒരു സ്വപ്നം..തിരക്കഥ തുടങ്ങുന്നു.

2007-11-23T18:34:00.000Z
മഞ്ഞുപോലെ ഒരു സ്വപ്നം എന്ന പേരില്‍ ഞാനെഴുതിയ ഒരു തിരക്കഥ ഇവിടെ ആരംഭിക്കുന്നു.
ഈ ടെലിഫിലിം സംവിധാനം ചെയ്യുന്നത് ജയറാമാണ്. ലണ്ടനില്‍ നിന്നും സംവിധാനം അഭ്യസിച്ച ആളാണ് അദ്ദേഹം.
ഇത് അദ്ദേഹത്തിന്റെ ആദ്യ സംരംഭമാണ്.

വധു ഡോക്ടറാണ് എന്ന സിനിമ നിര്‍മ്മിച്ച പരിചയം മാത്രമേ എനിക്ക് ഈ രംഗത്തുള്ളു.

ഇതിലെ പാട്ടുകള്‍ പാടുന്നത് ആരാണെന്നു നിങ്ങള്‍ക്കറിയാമോ..?

നമ്മുടെ പ്രിയ ഗായകന്‍
ജോസഫ് തോമസ്സ് എന്ന ജോ!

ജയറാം

കഥാസാരം

ഇംഗ്ലണ്ടില്‍ വിദ്യാഭ്യാസം ചെയ്യുവാനായി വരുന്ന ഒരുകൂട്ടം ചെറുപ്പക്കാരുടെ കഥയാണിത്..തോമസ്സങ്കിള്‍ ലണ്ടനില്‍ ജീവിക്കുന്ന ഒരു മലയാളിയാണ്..അദ്ദേഹത്തിന്റെ വീട്ടില്‍ കുറെ വിദ്യാര്‍ത്ഥികളായ ചെറുപ്പക്കാര്‍ താമസ്സിക്കുന്നുണ്ട്. അഭിലാഷ് അവിടെ പുതിയതായി താമസിക്കുവാന്‍ വരുന്നു.

ഇനി വായിക്കുക

നായകന്‍

നായിക

സീന്‍ 1

പകല്‍

തോമസ്സിന്റെ വീട്

സന്തോഷ്, അഭിലാഷ്

സന്തോഷും അഭിലാഷും തോമസ്സിന്റെ വീടിനുമുമ്പില്‍ കാറില്‍ വന്നിറങ്ങുന്നു. രണ്ടുപേരും ലഗ്ഗേജുകളെടുത്ത് പുറത്തു വയ്ക്കുന്നു. അഭിലാഷ് ചുറ്റുപാടും നോക്കുന്നു.

സന്തോഷ്:“അക്കാണുന്നതാണ് നമ്മുടെ..അല്ല തോമസ്സങ്കിളിന്റെ വീട്.”

അഭിലാഷ്:“ഇതെന്താടാ ഇങ്ങിനെ..ഇവിടുത്തെ വീടുകളെല്ലാം ഇങ്ങിനെയാണോ..?”

സന്തോഷ്:“അതെ.. നിനക്കെങ്ങിനെ..ഇഷ്ടമായോ?”

അഭിലാഷ്:“കണ്ടിട്ട് കുഴപ്പമില്ല..”

സന്തോഷ്:“വാ.. നമുക്ക് ഐശ്വര്യമായി വീട്ടിലേക്ക് കയറാം..പിന്നെ ഞാന്‍ തോമസ്സങ്കിളിനെപ്പറ്റി പറഞ്ഞിരുന്നതെല്ലാം
നിനക്കോര്‍മ്മയുണ്ടെല്ലോ..പഴയ കോളേജു പ്രൊഫസ്സറാ..സൈക്കോളജി ആയിരുന്നു സബ്ജക്ട്..”

രണ്ടുപേരും വിട്ടിലേക്കു നടക്കുന്നു.

അഭിലാഷ്:“ എല്ലാം എനിക്കോര്‍മ്മയുണ്ട്..പുള്ളിക്കാരന്‍ ഇപ്പോള്‍ ഇവിടെയുണ്ടോ..?”

സന്തോഷ്:“പുള്ളിക്കാരന്‍ മാത്രമല്ല..എല്ലാവരും ഇവിടെ കാണണം..നിന്നെ നോക്കിയിരിക്കുകയായിരിക്കും അവരെല്ലാം..!”

സന്തോഷ് പോക്കറ്റില്‍ നിന്നും താക്കോലെടുത്ത് വീടു തുറക്കുന്നു.

രണ്ടുപേരും സ്വീകരണമുറിയില്‍ കയറുന്നു. അഭിലാഷ് മുറിയാകമാനം ശ്രദ്ധയോടെ നോക്കുന്നു.

അഭിലാഷ്:“ഇവിടെ ആരെയും കാണാനില്ലല്ലോ..!”

സന്തോഷ്:“എല്ലാവരും ചിലപ്പോള്‍ അവരവരുടെ മുറികളില്‍ ആയിരിക്കും. നമുക്കൊരു കാര്യം ചെയ്യാം..
ഇതെല്ലാം കൊണ്ടുമുറിയില്‍ വച്ചിട്ട് താഴേക്കു വരാം..”

അഭിലാഷ്:“ശരി..”

രണ്ടു പേരും സാധനങ്ങളുമായി മുറിയിലേക്കു പോകുന്നു.

മുനിസ്വാമിയുടെ നഷ്ടം

2007-11-02T19:32:00.001Z
മുനിസ്വാമിയെന്ന തമിഴ് നാട്ടില്‍ നിന്നും വന്ന ഭിക്ഷക്കാരന്‍ തന്റെ അന്നത്തെ കളക്ഷന്‍ എണ്ണി നോക്കി.
നൂറ്റി അറുപത്തിയഞ്ചു രൂപാ ഇരുപത്തിയഞ്ചു പൈസ!
‘കൊളപ്പം ഇല്ലൈ..’
പണ്ട് വളരെ കുറച്ച് കാശേ കിട്ടുമായിരുന്നുള്ളു. ഇന്ന് കാലം മാറിയില്ലേ...!
“ഇന്ത മാതിരി കാശു കെടച്ചാല്‍ എനക്ക് എന്‍ ഊരില്‍ ശീഘ്രമാ ഒരു വീടു വാങ്കലാം..!”
മുനിസ്വാമിയുടെ ചിന്തകള്‍ക്ക് ചീറകുവയ്ക്കുകയായിരുന്നില്ല, പകരം അതൊരു റോക്കറ്റില്‍ കയറിയിരുന്നു പായുകയായിരുന്നു!
കാശുമായി മുനിസ്വാമി കൊച്ചി മത്തായിയുടെ ചായക്കടയിലേക്ക് നടന്നു.
എന്തിന്..?
അതൊരു കഥയാണ് (ഇതും ഒരു കഥയാണ്)!

കഴിഞ്ഞ നീണ്ട പത്തു വര്‍ഷക്കാലമായി മുനിസ്വാമി ആഹാരം കഴിച്ചിരുന്നതും ഇപ്പോള്‍ കഴിച്ചു കൊണ്ടിരിക്കുന്നതുമെല്ലാം ഈ കൊച്ചി മത്തായിയുടെ കടയില്‍ നിന്നുമാണെന്നു നാം മനസ്സിലാക്കണം.
“എട മുനിച്ചാമീ..നീ നിനക്കു കിട്ടുന്ന കാശെല്ലാം എന്തു ചെയ്യുവാ..?”
മത്തായി ഒരിക്കല്‍ ചോദിച്ചു.
“അത് വന്ത് നാന്‍ മണ്ണുക്ക് അടിയില്‍ താന്‍ കാപ്പാത്തിറുക്ക്.. എങ്കെയെന്ന് യാര്‍ക്കും മട്ടും തെരിയാത്...!”
“എട മണ്ടാ..നീ കാശ് എന്റെ കയ്യില്‍ താ..ഞാനതു സൂക്ഷിച്ചു വച്ചോളാം. നിനക്കെപ്പോഴാ വേണ്ടുന്നതെന്നു വച്ചാല്‍ ഞാന്‍ പലിശ സഹിതം തിരികെ തന്നോളാം”
“എനക്കു പലിശ വേണ്ട മൊതലാളീ..നീങ്കെ എന്‍ കാശ് കാപ്പാത്തുങ്കോ..”
“എന്നാ നീ പലിശക്കു പകരം ഫ്രീയായി എന്റെ കടയില്‍ നിന്നും ആഹാരം കഴിച്ചോ..”
മുനിസ്വാനിക്കതു സ്വീകാര്യമായിത്തോന്നി.
“പിന്നെ നീ ഈ വിവരം ആരോടും പറയണ്ട”
“ഇല്ലൈ”
“അപ്പോള്‍ നമ്മള്‍ രണ്ടുപേരും മാത്രമേ ഇതറിയുന്നുള്ളൂ..നിനക്കതു സമ്മതമാണോ..?”
“അതേ..”

അങ്ങിനെ ഏതാണ്ട് പത്തു വര്‍ഷക്കാലമായി കിട്ടുന്ന കാശെല്ലാം മുനിസ്വാമി മത്തായിയെ ഏല്‍പ്പിച്ചു പോന്നു.
അന്ന് മുനിസ്വാമി മത്തായിയുടെ കടയിലേക്കു പോയപ്പോള്‍ ഇടി വെട്ടി മഴ പെയ്യുവാന്‍ തുടങ്ങിയിരുന്നു.
കടയുടെ അടുത്തെത്തിയപ്പോള്‍ അവിടെയാകമാനം ഒരാള്‍ക്കൂട്ടം.
കടയുടെ ഉള്ളില്‍ നിന്നും ആരുടെയൊക്കെയോ കരച്ചില്‍ മുനിച്ചാമി കേട്ടു.
“എന്നാച്ച്...?”
“നീ അറിഞ്ഞില്ലേ മുനിച്ചാമീ..മത്തായി മരിച്ചു പോയി..ഒരു നെഞ്ചരപ്പു വന്നെന്നു പറഞ്ഞു. ദാ അതിനകം ആളു മരിച്ചു..ഇത്രയെക്കെയേയുള്ളു മനുഷ്യന്മാരുടെ ജീവിതം..!”
അവിടെ നിന്ന ചുമട്ടുകാരന്‍ നാണു പറഞ്ഞു.
മുനിച്ചാമിയവിടെ സ്തംഭിച്ചു നിന്നു.
അവന്റെ മനസ്സില്‍ ഒരായിരം ഇടികള്‍ വെട്ടി മറ്റൊരു മഴ തിമിര്‍ത്തു പെയ്യുവാന്‍ തുടങ്ങി.

പരിണാമം

2007-11-01T20:00:00.000Z
പഠിച്ചു, പഠിച്ചു
ഞാന്‍ റാങ്കു നേടും,
റാങ്കുകള്‍ നേടി
മിടുക്കനാകും!

പഠിത്തം മുടക്കി
ഞാന്‍ നേതാവാകും
നേതാവു മൂത്തു
ഞാന്‍ മന്ത്രിയാകും!

പേരിടാത്ത ഒരു കഥ

2007-10-31T22:08:00.000Z
“അങ്ങിനെ പോകുന്നു മദ്യപാനത്തിന്റെ വിപത്തുകള്‍..! ഈ സാമൂഹ്യ തിന്മയീല്‍ നിന്നും നമ്മുടെ സമൂഹം മോചനം നേടിയെങ്കില്‍ മാത്രമേ നല്ലൊരു നാളെയെ നമുക്കു വാര്‍ത്തെടുക്കുവാന്‍ കഴിയുകയുള്ളു. അതിനായി പ്രവര്‍ത്തിക്കാന്‍ ഞാന്‍ എല്ലാവരേയും ആഹ്വാനം ചെയ്തുകൊള്ളുന്നു.”
അഖില കേരള മദ്യനിരോധന സമിതി താലൂക്ക് ട്രെഷറര്‍ ശ്രീമാന്‍ മുടന്തന്‍ കുഴി നാണു തന്റെ സുദീര്‍ഘമായ പ്രസംഗം അവസാനിപ്പിച്ചപ്പോള്‍ ഇടിവെട്ടാം കോട് എല്‍. പി സ്കൂള്‍ ഓഡിറ്റോറിയത്തില്‍ തടിച്ച് കൂടിയിരുന്ന ബഹുപൂരിപക്ഷം ജനങ്ങളില്‍ നിന്നും ആശ്വാസ സൂചകമായ ഒരു നെടുവീര്‍പ്പുയര്‍ന്നു!
മദ്യപാനം ഒരു സാമൂഹ്യവിപത്താണെന്ന് ചിത്രീകരിക്കുന്നതില്‍ നാണു ഏതാണ്ട് വിജയിച്ചു എന്നുതന്നെ കരുതാം. “യുവാക്കള്‍ക്ക് അകാലത്തില്‍ മരണം വരുത്തിവക്കുന്ന ഒരു സാത്താനാണ് മദ്യം...“ അതായിരുന്നു ആ പ്രസംഗത്തിന്റെ സാരം.
“ഇനി നിങ്ങള്‍ക്ക് നിങ്ങളുടെ സ്വന്തം അനുഭവങ്ങള്‍ ഇവിടെ പറയുവാനുള്ള ഒരവസരം ഞങ്ങള്‍ ഒരുക്കിയിട്ടുണ്ട്. താല്‍പ്പര്യമുള്ളവര്‍ക്ക് മുന്നോട്ട് വരാം” നാണു അനൌണ്‍സ് ചെയ്തു.
സ്തീകളായിരുന്നു അവിടെകൂടിയിരുന്നതില്‍ കൂടുതലും.
ആദ്യം മുന്നോട്ടുവന്നത് ഓട്ടോ തങ്കച്ചന്റെ കെട്ടിയവളായിരുന്നു. തങ്കച്ചന്‍ ആക്സിഡന്റില്‍ പെട്ടതും ഒടുവില്‍ ഓട്ടോയുടെ ബുക്കും പേപ്പറും പണയം വെക്കേണ്ടി വന്നതുമെല്ലാം കുടി മൂലമാണെന്ന് അവര്‍ സമര്‍ത്ഥിച്ചു.
അതിനു ശേഷം രണ്ടു മൂന്നു സ്ത്രീകളും കൂടി മുന്നോട്ടു വന്ന് ഭര്‍ത്താക്കന്മാരുടെ കുടി മൂലം തങ്ങള്‍ നേരിടുന്ന ദുരിതങ്ങള്‍ സദസ്സിനെ അറിയിച്ചു.
ഇതെല്ലാം കെട്ടിരുന്ന പെണ്ണുങ്ങള്‍ കരഞ്ഞും മൂക്കുചീറ്റിയും തങ്ങളുടെ സഹതാപവും സങ്കടവും അന്യോന്യം പങ്കുവച്ചു.
അതുവരെ ഓഡിറ്റോറിയത്തിന്റെ മൂലയില്‍ ഒരു മിനറല്‍ വാട്ടര്‍ ബോട്ടിലും പിടിച്ചുകൊണ്ടു നിന്നിരുന്ന കുഞ്ഞപ്പനാണ് അടുത്തതായി പ്രസംഗ വേദിയിലേക്ക് കടന്നു വന്നത്.
“മാന്യ നാട്ടുകാരെ.“
കുഞ്ഞപ്പന്‍ ആരംഭിച്ചു.
“കഴിഞ്ഞ ചിങ്ങത്തില്‍ എന്റെ ഭാര്യ മാത്തന്റെ മകള്‍ കൊച്ചുമറിയ വയറ്റോപ്പറേഷനായി തിരുവനന്തപുരം മെഡിക്കല്‍ കോളേജില്‍ അഡ്മിറ്റായിരുന്ന വിവരം ഇവിടെ എല്ലാവര്‍ക്കും അറിയാവുന്ന കാര്യമാണെല്ലോ. ഓപ്പറേഷന്റന്നു രാവിലെ സകലദൈവങ്ങളേയും വിളിച്ചുംകൊണ്ട് ഞാന്‍ മെഡിക്കല്‍ കോളേജില്‍ പോകാനായി കൊല്ലം ട്രാന്‍സ്പോര്‍ട്ട് ബസ്സ് സ്റ്റാന്‍ഡില്‍ ചെന്നു. അവിടെ തിരുവനന്തപുരഠ്തേക്കു പോകാനായി പാര്‍ക്കുചെയ്തിരുന്ന ബസ്സില്‍ ഞാന്‍ കയറിയിരുന്നു. ബസ്സിന്റെ ഏറ്റവും പുറകിലെ മൂലയിലായിരുന്നു എനിക്ക് സീറ്റ് കിട്ടിയത്. അഞ്ചു മിനിട്ടു കഴിഞ്ഞപ്പോള്‍ കണ്ടക്ടര്‍ വന്ന് , ടയര്‍ പഞ്ചറായതിനാല്‍ അതുമാറ്റുവാന്‍ വേണ്ടി് ബസ്സ് അര മണിക്കൂര്‍ കഴിഞ്ഞുമാത്രമേ പുറപ്പെടുകയുള്ളുവെന്ന് അറിയിച്ചു. എന്റെ കയ്യിലിരുന്ന ന്യൂസ്സ് പേപ്പര്‍ സീറ്റില്‍ വച്ച് അതു ബുക്കു ചെയ്തതിനു ശേഷം ഞാന്‍ പുറത്തിറങ്ങി. ഭാര്യയുടെ കാര്യമാലോചിച്ചുള്ള ടെന്‍ഷനില്‍ അടുത്തുള്ള ബാറില്‍ക്കയറി രണ്ടു മൂന്നു സ്മാളും വിട്ട് പുറത്തുവന്നു നോക്കിയപ്പോള്‍ ആ ബസ്സ് പൊയ്ക്കഴിഞ്ഞിരുന്നു.
പിന്നെ വന്ന സൂപ്പര്‍ ഫാസ്റ്റില്‍ക്കയറി ഞാന്‍ തിരുവനന്തപുരത്തേക്കു യാത്രയായി. ഏതാണ്ട് ആറ്റിങ്ങലിനടുത്തെത്തിയപ്പോല്‍ ഞങ്ങളുടെ വണ്ടി ഒന്നു സ്ലോ ചെയ്തു. പ്രിയമുള്ളവരേ അവിടെക്കണ്ട കാഴ്ച്ച കണ്ട് ഞാന്‍ മരവിച്ചിരുന്നു പോയി. ഞാന്‍ ആദ്യം കയരിയ ബസ്സ് ഒരപകടത്തില്‍പ്പെട്ട് റോഡിന്റെ സൈഡില്‍ കിടപ്പുണ്ടായിരുന്നു. ഞാനിരുന്നിരുന്ന സീറ്റിന്റെ ഭാഗം, അതായത് ബസ്സിന്റെ പുറകുവശം മൊത്തം തകര്‍ന്നു പോയി. അവിടെയിരുന്ന പത്തു പേര്‍ അപകട സ്ഥലത്തുവച്ചുതന്നെ മരിച്ചു പോയി!
അന്നു മദ്യം എന്നെ രക്ഷിച്ചു. മദ്യപിക്കാതെ ബസ്സില്‍ത്തന്നെ ഇരുന്നിരുന്നുവെങ്കില്‍ ഇന്ന് നിങ്ങളുടെ മുമ്പില്‍ ഇതു പറയുവാന്‍ ഞാന്‍ ഉണ്ടാകുമായിരുന്നില്ല. അതിനാല്‍ പ്രിയമുള്ളവരേ ഞാനിനിയും കുടിക്കും!”
കുഞ്ഞപ്പന്‍ കയ്യിലിരുന്ന മിനറല്‍ വാട്ടര്‍ ബോട്ടിലില്‍ നിന്നു വീണ്ടും കുടിച്ചു.
“ഇത് മിനറല്‍ വാട്ടറല്ല. വോഡ്ക്കയും സ്പ്രിന്റുമാണ്”
മദ്യനിരോധന സമിതി താലൂക്ക് ട്രഷറര്‍ ശ്രീമാന്‍ മുടന്തന്‍ കുഴി നാണു മൈക്ക് ഓഫു ചെയ്യുവാന്‍ ഓപ്പറേറ്ററോട് ആവശ്യപ്പെടും മുമ്പ് കുഞ്ഞപ്പന്‍ തന്റെ പ്രസംഗവും അവസാനിപ്പിച്ച് പുറത്തിറങ്ങി.
മിനറല്‍ വാട്ടര്‍ ബോട്ടിലില്‍ നിന്നും വീണ്ടും വീണ്ടും കുടിച്ചും കൊണ്ട് നടന്നുപോയ കുഞ്ഞപ്പനേയും നോക്കി ജനം ഉത്തരം മുട്ടി നിന്നു

ജനാധിപത്യം

2007-10-30T19:53:00.000Z
സത്യം പറഞ്ഞവന്‍
ചത്തതിന്‍ പിറ്റേന്ന്
കള്ളം പറഞ്ഞവന്‍
മുഖ്യനായി...!

പാതകം ധാരാളം
മഴപോലെ പെയ്തപ്പോള്‍
പാതി കുടിച്ചവന്‍
മന്ത്രിയായി..!

ഓര്‍മ്മകള്‍

2007-10-21T12:11:00.000Z
ഓര്‍മ്മകള്‍..ഇതാ
ചിറകേറിവരുന്നു..
മനസ്സിന്റെ മച്ചില്‍
കുടിയിരിക്കുവാനായി..!

മധുരമുണ്ടെങ്കിലും
അതിലുമധികമായ്
വേദനയേകുന്നീ
ഓര്‍മ്മകളില്‍ പലതും..!

ആത്മാവിനെന്നും
നൊമ്പരം നല്‍കുവാന്‍
എന്തിനു നിങ്ങളീ
വിരുന്നായി വരുന്നു..?

ചിന്ത

2007-10-19T19:50:00.000Z

ചിന്തകള്‍ വെടിയുവിന്‍
ചന്തയില്‍ പോകുവിന്‍
ചന്തത്തില്‍ ചിന്തകള്‍
ചന്തമായ് മെനയുവിന്‍..!

വിഷക്കാറ്റ്

2007-10-12T21:15:00.001Z
മഹാമാരികളും
പേറി വന്ന
വിഷക്കാറ്റിന്
മരണത്തിന്റെ
മണമുണ്ടായിരുന്നു
പോലും!

ആ വായു
ശ്വസിച്ചതിനാലാണോ
അങ്ങേലെ
വാസുവേട്ടന്‍
ഇന്നലെ മരിച്ചത്...?

ഒരെത്തും പിടിയും
എന്നത്തെയും
പോലെ
ഇന്നും കിട്ടുന്നില്ല..!

കാലം കൈപ്പിടിയില്‍
ഒരിക്കലെങ്കിലും
ഒതുങ്ങിയിരുന്നിട്ടുണ്ടോ..?

ജീവന്‍ സമ്മാനിക്കുന്ന
വായു ഇന്നിതാ‍
നമുക്കെല്ലാം
മരണവും വിധിക്കുന്നു..!

കളവ്

2007-10-11T20:29:00.000Z
സ്വര്‍ണ്ണപ്പണിക്കാരന്‍
സ്വര്‍ണ്ണം കട്ടു,
ഫണ്ടു പിരിച്ചവന്‍
കാശു കട്ടു
കൊടിവച്ച മന്ത്രീടെ
ടയറു കട്ടു,
നാടു ഭരിച്ചവന്‍
നാണം കെട്ടു!
പിന്നെ..
കവിത രചിച്ചവന്‍
കനവു കട്ടു..!

സ്വപ്ന നാട്

2007-10-10T20:10:00.000Z
സ്വപ്ന നാട്,
സ്വപ്നത്തെരുവ്..,
സ്വപ്നങ്ങള്‍ വില്‍ക്കുന്ന
നാട്..!

കാപട്യ ചിന്തയും
കപട മോഹങ്ങളും
കലപില കൂട്ടുന്ന
നാട്..!

ജാതിമത ചിന്തയും
ചാതുര്‍വര്‍ണ്ണീകവും
ചിന്തയിലേറ്റിയ
നാട്..!

മനസ്സിന്റെ മനസ്സിലെ
നാട്..!
ഏതൊരു
ഭാരതീയന്റെയും
സ്വന്തം നാട്..!

ആനപ്പശു

2007-10-08T18:25:00.001Z
കാശില്ലാത്തവന്‍
അശു..!
കാശുള്ളവനോ
പശു..!
അശുവിനു
കാശുണ്ടായാല്‍
അവനും പശു,
ആനപ്പശു..!

കൂട്ടുകാരന്‍

2007-10-07T19:38:00.000Z
എന്റെ കൂട്ടുകാരന്‍
എന്നോടന്നു പറഞ്ഞു,
സ്നേഹവും മധുരവുമൊരിക്കല്‍
പകയായും കയ്പ്പായും മാറാം..!
സന്തോഷകാലത്തൊരിക്കലും
തൈ പത്തു വയ്ക്കാത്ത
നിനക്കു ആപത്തു കാലത്ത്
എന്താണു പ്രതീക്ഷിക്കാന്‍
കഴിയുക എന്റെ മകനേ..?

ആപത്തു കാലം എന്നാണു
വരുന്നതെന്നു നിനക്കു പറയാമോ?
ഞാനവനോടു ചോദിച്ചു.
പിന്നെന്താ പറയാം..,
എന്റെയും നിന്റെയും
മകനും ഭാര്യയും
പിന്നെ സ്വന്തം അമ്മയും
നമ്മളെ തള്ളിപ്പറയുന്ന
കാലത്തിനായി
ഞാനും നീയും കാതോര്‍ക്കണം..!
അതായിരുന്നു അവന്റെ
അവസാനത്തെ ഉത്തരം!

മറന്നുപോയി

2007-10-06T09:18:00.001Z
മറന്നുപോയി..
ഞാനന്നുറങ്ങിപ്പോയി..!
എന്റെ ആത്മാവിനുള്ളിലെ
മൈനയെന്തേ അന്ന്
ആരോടും ചൊല്ലാതെ
എന്നോടും മിണ്ടാതെ
പറന്നുപൊയി..,
എങ്ങോ മറഞ്ഞു പോയി..!

മഞ്ഞുപോലെ ഒരു സ്വപ്നം

2007-09-16T01:31:00.000Z
മഞ്ഞുപോലെ ഒരു സ്വപ്നം
മനസ്സിലെങ്ങോ ഒരു ദുഃഖം!
മലരായ് മധുവായ്
മാറുവാനൊരു മോഹം..!

സ്വപ്നത്തിലന്നൊരു സന്ധ്യയില്‍
കണ്ടു ഞാന്‍ നിന്നെയൊരുനാള്‍
മോഹങ്ങള്‍ പൂവിട്ട വേളയില്‍
ആത്മാവിന്‍ ദാഹമാ‍യി നീ..

അരുതെന്നറിയാത്തയെന്റെയീ
അന്തരാത്മാവിലെന്നുമായ്
കെടാവിളക്കുമായ് വന്നു നീ
സുപ്രഭാതമായ് മാറി നീ..!

ആലിപ്പഴം

2007-09-08T15:01:00.000Z
ആലിപ്പഴം പൊഴിഞ്ഞു,
അന്നേരം
ആമിനയും മൊഴിഞ്ഞു
അക്കരെ നിന്നൊരാമ്പല്‍
തഞ്ചത്തില്‍
കൊണ്ടുതാ എന്റെ മാരാ..

അത്തിമരം പൂത്തു
കണ്ടോ നീ
പൂത്തിരിപ്പൂമാല
കണ്ടു രസിച്ചുവല്ലോ
മൊഞ്ചുള്ള
പുഞ്ചിരി പഞ്ചസാര..!

വിഷക്കാറ്റ്

2007-07-13T08:36:00.000Z
മഹാമാരികളും പേറി വന്ന
വിഷക്കാറ്റിന് മരണത്തിന്റെ
മണമുണ്ടായിരുന്നു പോലും!
ആ വായു ശ്വസിച്ചതിനാലാണോ
അങ്ങേലെ വാസുവേട്ടന്‍
ഇന്നലെ മരിച്ചത്...?
ഒരെത്തും പിടിയും
എന്നത്തെയും പോലെ
ഇന്നും കിട്ടുന്നില്ല..!
കാലം കൈപ്പിടിയില്‍
ഒരിക്കലെങ്കിലും
ഒതുങ്ങിയിരുന്നിട്ടുണ്ടോ..?
ജീവന്‍ സമ്മാനിക്കുന്ന
വായു ഇന്നിതാ‍ നമുക്കെല്ലാം
മരണവും വിധിക്കുന്നു..!

മൌനം

2007-06-24T22:12:00.000Z
കടലുകള്‍ താണ്ടി
പറക്കാന്‍ കഴിയുന്ന
കാറ്റിനു മൌനം!
തിരകളെ താണ്ടി
തീരത്തണയുന്ന
കടലിനും മൌനം!
ഗോളത്തില്‍നിന്നും
ഗോളത്തിലെത്തുന്ന
വെയിലിനും മൌനം!
കാലങ്ങള്‍ പിന്നിട്ട്
കാലത്തിലെത്തുന്ന
മനസ്സിനും മൌനം!
പൊട്ടിച്ചിരിയെല്ലാം
പൂത്തിരിയാക്കുമെന്‍
കണ്മണിക്കും എന്തേ
മൌനം?
എന്റെ സ്വപ്നങ്ങള്‍ക്കെന്താണു
മൌനം?

മിണ്ടരുത്..!

2007-06-13T21:30:00.000Z
ഒന്നും മിണ്ടരുത്,
എന്നാല്‍ നമുക്കു
സന്തുഷ്ടരാകാം!
ചിരിക്കരുത്
എങ്കില്‍ നമ്മള്‍
സ്വീകാര്യരാകാം!
കലികാലം നമ്മെ
കാര്‍ന്നുതിന്നുന്നു!
അതുകൊണ്ട് നമുക്ക്
അറ്റകൈ പ്രയോഗിക്കാം!
എങ്ങിനെ?
ഇതാ ഇങ്ങിനെ...
എന്തു കണ്ടാലും
ഒരിക്കലും മിണ്ടരുത്...!
എന്നിട്ട്,
ചിരിയും സന്തോഷവും
പൂഴ്ത്തിവയ്ക്കുക!
അതുപയോഗിക്കുവാന്‍
കഴിയുന്ന കാലത്തിനായി
നാമെല്ലാം കാതോര്‍ക്കുക!

അഭ്യാസി

2007-06-12T21:58:00.000Z
അഭ്യാസി തലകുത്തി
മറിഞ്ഞു.
അവന്റെ തല നേരെ
തന്നെ നിന്നു.
ഒരിക്കലവന്‍
കാല്‍ തെറ്റി വീണു,
തല ചെന്ന് പാറയില്‍
തട്ടി മുറിഞ്ഞു.
എന്താണതില്‍
നിന്നുമുള്ള കാര്യം?
അടി തെറ്റിയാല്‍
അഭ്യാസിക്കും
മുറിവു പറ്റാം!

ചാക്രിക ചരിത്രം

2007-06-05T12:47:00.000Z
ചരിത്രം ചാക്രികമാണ്
അതെന്നും ,എപ്പോഴും
എന്നത്തെയും പോലെ
ചരിത്ര സംഭവങ്ങളാണ്!

വിദ്വാന്റെ പിന്മുറക്കാര്‍ നാളെ
അക്ഷര വിരോധികളായേക്കാം!
സമ്പന്നന്മാര്‍ പില്‍ക്കാലത്ത്
ദാരിദ്ര്യത്തിന്റെ
കയ്പ്പനുഭവിച്ചേക്കാം!

ഞാനും, നിങ്ങളും പിന്നെ
നമ്മളുടെ മക്കളും
നമ്മളുടെയെല്ലാം മരണത്തിനുശേഷം
എന്തായാലും,
എങ്ങിനെ ജീവിച്ചാലും
ഒരു കാര്യമോര്‍ക്കാം
നമുക്കെല്ലാം ഒരുമിച്ചായി..

ചരിത്രം ചാക്രികമാണ്
നാമെല്ലാം അതിലൂടെ
തിരിയുന്ന കണികകള്‍
മാത്രമാണ്!

പ്രതീക്ഷയും അസ്തമനവും

2007-06-04T19:23:00.000Z
പ്രതീക്ഷകളൊരിക്കലും
അസ്തമിക്കാറില്ല!
അസ്തമിച്ചുവെന്നു
കരുതുമ്പോഴാകും
അതു വീണ്ടും ഉദിച്ചുയരുക!
പലപ്പോഴും..
അവസാനിച്ചുവെന്നു
വിചാരിച്ചു വിഷമിക്കുമ്പോള്‍
അവയ്ക്കു പുതിയ ചിറകു മുളയ്ക്കും,
എന്നിട്ടു വീണ്ടും പറന്നുയരും!

നഗ്ന സത്യം

2007-06-04T17:33:00.000Z
നഗ്ന നേത്രങ്ങള്‍ക്കുമുന്നില്‍
കാപട്യങ്ങള്‍ക്കു പ്രസക്തിയില്ല!
നഗ്ന സത്യങ്ങൊളൊരിക്കലും
കാമ്പില്ലാതെ നിലനില്‍ക്കാറുമില്ല!

കുടുംബശോകം

2007-05-28T22:05:00.000Z
ശോക ഗാനം ശ്രവിച്ച
ഭാര്യ കരഞ്ഞു,
ഭാര്യയുടെ സങ്കടം കണ്ട
ഭര്‍ത്താവും കരഞ്ഞു!
മാതാ പിതാക്കളോടൊപ്പം
മകനും കരഞ്ഞു,
കരയുന്ന കുടുംബത്തെക്കണ്ട
മകളും കരഞ്ഞു!

പെരുമഴയും കുഴിമടിയും

2007-05-27T15:38:00.000Z
മഴ പെയ്തപ്പോള്‍
മടിയുമുണ്ടായി.
പെരുമഴക്കാലത്തു
കുഴിമടിയന്മാരുണ്ടായി
പെരുമഴ, കുഴിമടി,
കുഴി മട, പെരുമഴ!

ആക്രാന്തതന്ത്രം

2007-05-25T12:31:00.000Z
ആക്രാന്തമുള്ളവന്‍
തന്ത്രം മെനഞ്ഞു!
തന്ത്രിയുടെ തന്ത്രം
തന്ത്രത്തില്‍ കവര്‍ന്നു!
തന്ത്രം മഹാ തന്ത്രം
തന്ത്രം, ആക്രാന്തതന്ത്രം!

കള്ളു മൈന!

2007-05-25T12:17:00.000Z
നാട്ടു മൈനകള്‍
കൂടണഞ്ഞപ്പോള്‍
കാട്ടു മൈനകള്‍
കാടിറങ്ങി!
തൊട്ടാവാടിയുടെ
പൂക്കളൊരിക്കലും
തൊട്ടപ്പോള്‍
വാടാന്‍ കൂട്ടാക്കിയില്ല!
കള്ളു കലത്തിലെ
മട്ടിയില്‍ ഷാപ്പുകാരന്‍
മായം ചേര്‍ത്ത്
മധുരക്കള്ളുണ്ടാക്കി!
ചാരായം കുടിച്ചതിനു ശേഷം
കള്ളു നുണഞ്ഞവരെല്ലാം
മധുരക്കള്ളാല്‍
മധുപാനരായി!

ആരെടാ നീ?

2007-05-24T23:34:00.001Z
ആരെടാ നീ?
നീയെടാ ഞാന്‍!
ഓഹോ..
എന്തെടാ പേര്‍?
പേരോ..?
അതു പേരക്ക!
നാളോ?
നാളു നാരങ്ങ!
ജാതിയോ?
അതു ജാതിക്ക!
നിന്റെ നാടോ?
അതു നാട്ടുമ്പുറം!
അപ്പം നീയോ?
ഞാന്‍ കാട്ടുമ്പുറം!
നിന്റപ്പനോ?
അപ്പന്‍ തട്ടുമ്പുറം!

ഉപ്പും പുട്ടും

2007-05-16T21:08:00.000Z
ഉപ്പു തിന്നവന്‍
വെള്ളം കുടിച്ചു,
പുട്ടു തിന്നവന്‍
മലയാളം മൊഴിഞ്ഞു!
വെള്ളം കുടിക്കുവാനായി
ഉപ്പു തിന്നുവിന്‍,
മലയാ‍ളം മൊഴിയുവാന്‍
പുട്ടു തിന്നുവിന്‍!

രാജ്യദ്രോഹിയും പിതാരഹിതനും

2007-05-15T20:58:00.000Z
രാജ്യത്തിലെ ദ്രോഹികളെ
വെറുത്തവനൊരിക്കലും
രാജ്യദ്രോഹിയാകുന്നില്ല!
പിതാവു മരിച്ചവനെന്നെങ്കിലും
പിതാരഹിതനാകുമോ?